‘Tuks gee betogers die oormag’

Op die Hatfield-kampus van die Universiteit van Pretoria Woensdag. (21 September 2016). Foto: Twitter via @afriforumjeug

Op die Hatfield-kampus van die Universiteit van Pretoria Woensdag. (21 September 2016).
Foto: Twitter via @afriforumjeug

AfriForum Jeug het Woensdag die Universiteit van Pretoria (UP) gekap oor hul besluit om die universiteit te sluit weens betogings oor studiefooie en gesê die besluit is ʼn verbreking van ʼn onderneming deur prof. Cheryl de la Rey, die UP-rektor.

Die organisasie het in ʼn verklaring gesê De la Rey het Dinsdag aan AfriForum en AfriForum Jeug beloof akademiese verrigtinge sal onverstoord voortgaan, ongeag die betogings. Die universiteit het egter Woensdag alle akademiese bedrywighede op die Hatfield-kampus opgeskort en studente opdrag gegee om die kampus te ontruim.

Volgens AfriForum het De la Rey ook tydens Dinsdag se gesprek onderneem geweldenaars sal gearresteer en van die kampus verwyder word, geweldenaars sal summier geskors word en die polisie sal strafregtelik teenoor oortreders optree. De la Rey het glo ook gesê die studenteraadverkiesings sal vreedsaam voortgaan.

Ian Cameron, hoof van gemeenskapsveiligheid by AfriForum, sê geen stappe is egter gedoen om betogers te verhoed om die universiteit tot stilstand te ruk nie en gevolglik is studente weereens van hul reg tot onderrig ontneem.

“Volgens die sekuriteit wat op UP se hoofkampus teenwoordig was, het die UP-bestuur glo ʼn voorskrif aan sekuriteitsbeamptes gegee om nie op te tree as geweld uitbreek nie. Dit is glo volgens die bestuur ʼn opstanding tussen studente,” het Cameron gesê. “Dit is prakties moontlik en volhoubaar om klasse te beveilig en studente op universiteit te beskerm. Die UP het egter versuim om die nodige maatreëls in te stel en by hul eie aksieplan te hou.”

Hy het gesê AfriForum Jeug meen die UP se besluit om die universiteit te sluit, gee bloot aan betogers die oormag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Alida

Dit is lewensgevaarlik om daar wees. Gsan huistoe en eis julle geld terug

Gerhardt O

Swak leierskap deur Tuks se “rektor”. Die dame is skynbaar onbevoeg in leierskap en is dus ‘n kwotaspeler. Sy moet dringend vaardighede aanleer.

CL

Ons kind studeer daar. Almal is sat hiervoor. Dis toets tyd. Eksamen voorbereidings tyd. Tyd vir ons jonges om te bou aan hulle toekoms. Om ons emigreer onderwysers of gaan hou skool in die Emirate. In ons woonbuurt sien ek hoe skeeps houers gelaai word vir mense wat padgee. Teen die tyd dat die sotte tot hul sinne kom is SA so beskadig dat dit dekades gaan neem om te herstel indien ooit. Waar is ons leiers?

Oosie

Dat daar toegelaat word dat MINDER AS 1% ongeveer 60 000 studente by Tuks totaal ontwrig en allerhande eise afdwing en met ‘moord’ wegkom is totaal onverstaanbaar!Hulle behoort met dieselfde geweld (en ‘n paar sambokke) geleer te word wat dissipline is. Dit is blantante astrantheid en disrespek teenoor gesag (wat daar blykbaar nie meer is nie),

bobbo

Ek wil nogsteeds die “betogers” se punte sien ASB!!