Twee busse, polisiemotor brand in Braamfontein

'n Polisievoertuig is Dinsdag in Braamfontein aan die brand gesteek. Foto: Twitter

‘n Polisievoertuig is Dinsdag in Braamfontein aan die brand gesteek. Foto: Twitter

Betogers het Dinsdagaand twee busse en ʼn polisievoertuig in Braamfontein, Johannesburg, aan die brand gesteek te midde van #FeesMustFall-betogings by die Universiteit van die Witwatersrand (Wits).

Die betogers het die strate in die Braamfontein-omgewing ingevaar en dit met betonasblikke en klippe versper.

ʼn Bus van Wits, ʼn Rea Vaya-snelbus en ʼn polisievoertuig, is tydens die chaos aan die brand gesteek en het uitgebrand. Betogers het ook ʼn brandweerwa met klippe bestook.

Die universiteitbestuur het Woensdag die gewelddadige betoging veroordeel.

Shirona Patel, die universiteit se woordvoerder, het gesê 15 passasiers was op die Wits-bus wat aan die brand gesteek is.

“Een van dié passasiers het vermoedelik die brand begin. Die ander studente het petrol geruik en dadelik die busdrywer in kennis gestel, wat die deur oopgemaak het sodat almal ongedeerd kon afklim,” het Patel gesê.

ʼn Saak van brandstigting word onder meer ondersoek. Patel het gesê die oortreders moet sou gou moontlik in hegtenis geneem en aangekla word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Franscois

Bla, Bla , Bla, Bla! Gaaaaaap!!!!!!!!!!!

Alida

Stuur die video vir Jacob Zuma and Nzimandi. Hulle weet nie wat aangaan nie.

Asjas

Same schitte, different day …

Asjas
Jean

Ai jai jai en twee busse wat brand een een polisievoertuig bring julle nou AL hoe nader aan VERNIET opleiding ne? Sjoe julle is super intelligente wesens, julle behoort regtig almal sommer grade te kry aan die einde van die vernietigingsveldtog .. hoekom swot as jys sulke klomp slim mense het vir wie dit sin maak om iets te vernietig om iets ander GRATIS te kry ..