Twee dood, ouer gewond na skietery by skool

Die toneel. Foto: ANA

Twee rowers is Donderdag by die Edenvale High School in Edenvale aan die Oos-Rand doodgeskiet.

Kapt. Kay Makhubele, woordvoerder van die polisie, het gesê nog ʼn rower is gewond maar kon daarin slaag om saam met twee van sy makkers te ontsnap.

Volgens Makhubele het die polisie op die toneel aangekom toe die rowers besig was om op die vlug te slaan en het ʼn skietgeveg uitgebreek.

Die verdagtes het met ʼn onbekende bedrag kontant gevlug. Volgens Makhubele is op ʼn AK47 en twee handwapens beslag gelê.

Steve Mabona, woordvoerder van die Gautengse onderwysdepartement, het gesê een van die rowers het hom as ʼn ouer voorgedoen en dat die rowers so toegang tot die skool gekry het.

Volgens Mabona het een van die rowers ʼn ouer by die skool se motor gesteel en is die ouer geskiet en gewond. Geen leerders of onderwysers is tydens die voorval gewond nie. Panyaza Lesufi, LUR vir onderwys in Gauteng, was ook by die skool na die voorval.

Die skool het intussen in ʼn kort verklaring die voorval bevestig en gesê die onderwysdepartement het toestemming gegee dat eksamens wat Vrydag afgelê sou word na Maandag skuif. Die skool sal egter Vrydag van 08:00 tot 13:00 oop wees vir leerders wat berading verlang.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Annette

Dit is skokkend dat daar deesdae so gereeld gehoor word van voorvalle by skole. Veiligheid by alle skole moet opgeskerp word.

Zorro

Kan die BLF dalk vir ons sê of dit die rowers wat geskiet is, se voorvaders is wat hulle gestraf het?

Michael

Mense wat word van die land???

Marinda

So nou beroof hulle die skole. Wat nog?

Stella

Dit gaan net so erg in hierdie rommel-land soos oorsee,die knders gaan GEEN geleerdheid kry op die manier nie!lyk my home schooling gaan dalk Al oplossing wees,?