ʼn Motoris is Woensdag in Vanderbijlpark geskiet en ernstig beseer waarna twee verdagtes in hegtenis geneem is.
Polisiebeamptes is net voor 12:00 omtrent ʼn skietery in kennis gestel, het lt.kol. Mavela Masondo, polisiewoordvoerder, gesê.
“Lede van die Vanderbijlpark-polisietaakspan het gereageer. Die bestuurder van ʼn wit Mercedes-Benz is in die bolyf geskiet en ernstig beseer. Sy passasier is nie beseer nie.”
Daar word beweer dat vier verdagtes in ʼn blou Mazda op die slagoffer se voertuig losgebrand het. “Polisiebeamptes het vinnig gereageer en ʼn soektog van stapel gestuur vir die verdagtes wat te voet gevlug het. Twee mans is voorgekeer en daar is twee vuurwapens in hul besit gevind.”
Die twee mans, 25 en 27 jaar oud, is in hegtenis geneem. Hulle sal binnekort in die Vanderbijlpark-landdroshof verskyn op aanklag van poging tot moord en die besit van ongelisensieerde vuurwapens.
“Die motief vir die skietery word ondersoek. Daar sal ook ondersoek ingestel word of die verdagtes of die vuurwapens wat gebruik is met enige ander misdade verbind kan word.”
Ja dit is GTA Suid Afrika.Nothing to big and nothing to small.All crime goes.
En hulle kry borg om dit weer te doen . is mos nie maklik om hulle optespoor nie want geen vaste adres nie
Maar net die anc wat hulle kandidaat lyste uitsorteer
Skerp
Wapens is deesdae baie volop, ek moet ook kyk vir n paar ‘heavies’ .
Geen borg asb!
Ek wonder waar al dié onwettige wapens wat deesdae in omloop is so skielik vandaan kom? As die boewe dit het, hoeveel te meer word besit deur n sekere rooi politieke party.
Dit is al die wapens wat ingehandig is vir amnestie met die lisensies wat verval het.
Die gepeupel raak net meer in die land!
Cowboy en Crooks
Bly die kriminele is aangekeer – maar wat die uiteinde gaan wees, is enige iemand se raai …
Alle sterkte en spoedige herstel aan die beseerde motoris.