Tweede boer vandag doodgeskiet

plaashek-pexels

Foto: Pexels

Nog ʼn boer is Dinsdag op ʼn plaas net buite Fochville in Gauteng doodgeskiet.

Willie Barnard is na ʼn hospitaal gehaas nadat hy geskiet is, maar het op pad daarheen aan sy wonde beswyk.

Maroela Media verneem twee mans het omstreeks 12:30 op die plaas vir werk kom vra, waarna Barnard hulle weggewys het. Die mans het glo later teruggekeer waarna ʼn rusie ontstaan en Barnard geskiet is.

Leander Venter van ER24 het aan Maroela Media gesê een van die boere in die distrik het met Barnard in sy bakkie na ʼn hospitaal gejaag. “ER24 van Vanderbijlpark het hulle langs die pad gekry, maar die gewonde man het reeds aan sy wonde beswyk,” het Venter gesê.

Tinus van Zyl, hoof van CPI-sekuriteit wat na die toneel ontbied is, het aan Maroela Media gesê hulle is deur bure na die plaas ontbied.

“Ons mense is op die toneel [en] daar is reeds twee verdagtes vas – ons honde-eenheid soek na nog moontlike verdagtes,” het Van Zyl gesê. Volgens hom is daar talle omstanders wat help op die toneel.

Volgens kol. Lungelo Dlamini, provinsiale woordvoerder van die polisie, het die voorval gebeur toe die twee aanvallers glo vir plaaswerkers vir water gevra en die werkers hulle na die huis geneem het om vir hulle water te kry. “[Die aanvallers] het toe net losgebrand. ʼn 63-jarige boer is doodgeskiet,” het Dlamini gesê.

Hy het bevestig dat twee verdagtes reeds vasgetrek is, maar gesê daar is nog geen vuurwapen opgespoor nie

Volgens Ian Cameron, hoof van AfriForum gemeenskapsveiligheid, was daar in die afgelope 48 uur ses plaasaanvalle waartydens drie mense gesterf het. Maroela Media het vroeër berig Barry Baars se liggaam is vanoggend op ʼn plaas tussen Ficksburg en Rosendal in die Vrystaat aangetref nadat hy doodgeskiet is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Piet

Ek wonder if daar enige iemand is wat al navorsing gedoen het om vas te stel hoe lank plaas aanvallers in die tronk sit en of hulle ook ‘n HOP huis en bees kry… saam met hul vroeë vrylating?

Bossie

Mense ek probeer nie kwaad stook of iets nie maar hierdie is ń stille oorlog teen ons as boere. Die vraag is wanneer gaan ons dit besef om te wag dat die regering ietsie doen gaan nie help nie want dit geniet nie gebeur nie

LMF

Ek wou nie artikel oopmaak nie want ek het nie meer trane oor nie dit is stukkende werklikhede wat ons gaan laat knak en en en?????? Al my simpatie en sterkte aan families en vriende

Moedeloos

Nou gaan hulle seker se die Boer was rasisties met hulle, of het hulle die “k” woord genoem en die media sal se dis die Boer skuld…

Harry

Jip so het die oorlog begin. Dinge gaan nou rof raak.