US-taalbeleid: Belangegroepe genooi om kommentaar te lewer

Universiteit van Stellenbosch. Argieffoto.

Universiteit van Stellenbosch. Argieffoto.

Die Universiteit Stellenbosch (US) het Dinsdag met ʼn proses begin om sy huidige taalbeleid te hersien.

Belangegroepe soos personeel, studente, alumni en donateurs is genooi om teen 22 April vanjaar per e-pos kommentaar te lewer op die eerste konsep-weergawe van die nuwe voorgestelde Taalbeleid. Hierdie konsepbeleid is deur die taalhersieningswerkgroep saamgestel en is beskikbaar by www.sun.ac.za/taal.

“Respondente kan algemene én spesifieke kommentaar op die konsepbeleid lewer, en addisionele voorstelle maak,” het Susan van der Merwe, woordvoerder van die universiteit, gesê.

Sy het gesê alle voorstelle sal deur die werkgroep oorweeg word vir moontlike insluiting. “Dit sal egter nie moontlik wees om alle voorstelle by die tweede konsep in te sluit nie.”

Respondente kan ʼn aanlynvorm op die webblad voltooi, of kommentaar kan per e-pos gestuur word na [email protected] Verwys na www.sun.ac.za/taal vir meer inligting oor die proses en tydlyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
hans

Vertrou nie die vrede nie veral na rektor se stellings voor die parlementerekomitee verlede week.

jaco

Ek kan verstaan dat diskriminasie teen Afrikaans n manier is om wit Afrikaanssprekendes vir apartheid terug te kry, maar wat van kleurlinge wat Afrikaans praat? Hulle was tog ook saam met die swartes victims van apartheid. Waarom is die swart victims nou lelik met die bruin victims? Dit maak nie sin nie.

Oupa

Jip, hulle sal aanhou karring totdat die militante minderheid hulle sin gekry het. Dan sal hulle die volgende doelwit stel…

Klippie

Sedert die die verstek-Afrikaanse taalbeleid van 2002 aanvaar is, het Engelsgesindes dit teengestaan. Meestal wit Afrikaners. Ook binne die hoofstroom Afrikaanse media is dit geïgnoreer. Wit Afrikaners het in dieselfde tyd die universiteit by wit Engelssprekende skole gaan bemark, sonder om te dink oor die langtermyn gevolge van so ‘n roekelose besluit. Ekonomiese redes was moontlik die motivering vir so ‘n dwase besluit. Intussen het Afrikaans feitlik heeltemal verdwyn van die US-kampus.

Michael

Afrikaans moet bly ontwikkel ander tale maar behou Afrikaans as ‘n onderrig taal want word Afrikaans uitgehaal by universiteite is die skole volgende