Vakbond ontstoke oor Nedbank-poste wat weens ‘robotte’ gesny word

Argieffoto

Die finansiële-werkersvakbond Sasbo het Woensdag Nedbank veroordeel ná ʼn aankondiging dat 3 000 poste gesny kan word as gevolg van robotika, en het met “ernstige aksieplanne” gedreig indien die bank die vakbond nie in die vervolg kontak voor besluite oor personeel geneem word nie.

Nedbank het verlede week gesê hy kan moontlik met 3 000 minder werknemers klaarkom as gevolg van sagteware-robotte, maar dat die werksverliese geneutraliseer sal word deur die verwagte groei by die bank.

Nedbank het 59 sagteware-robotte geïnstalleer en beplan om nog 200 te installeer voor die einde van die jaar. Met ongeveer 32 000 personeellede, verloor die bank oor die algemeen jaarliks ongeveer 3 000 personeellede, as gevolg van bedankings, afdankings of sterftes.

Sasbo verteenwoordig ongeveer 70 000 lede in die finansiële sektor en het gesê hy het lang gesprekke met Nedbank gehad oor die impak van digitalisering en robotika. “Sasbo is ontsteld en teleurgesteld dat Nedbank ʼn verdoemende persverklaring uitgereik het waarin die verliese van 3 000 poste aangekondig word. Dit het tot geweldige onsekerheid en verwarring in die finansiële bedryf gelei,” het die vakbond in ʼn verklaring gesê. “Ons is deurgaans in gesprek met Nedbank oor verskeie kwessies en in geen stadium het Sasbo ingestem of goedkeuring gegee vir dié persverklaring nie. Daar was ook nie enige verslag wat aan ons verskaf is wat verwys het na dié grootskaalse werksverliese gebaseer op robotika nie.”

Die vakbond het gewaarsku dat, alhoewel hy kennis neem van tegnologiese veranderinge, kan die nuus dat 3 000 persone hul werk by ʼn enkele bank kan verloor, weersin wek oor die impak daarvan.

Sasbo het gesê hy eis skriftelik ʼn verduideliking van die uitvoerende hoof van Nedbank en daag die bank om sy gesprekke met die vakbond ter goeder trou voort te sit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Cherokee

Modernisasie kan tog nie gekritiseer word nie.

Zukof

SASBO is die latyn se woord wat beteken,”ons sal nooit strike nie” / “het nie tande nie”
Daar was nog NOOIT n strike by eenige bank in hierdie land nie !
SASBO, wat n joke !

Karolis

Sasbo, dink 2 keer voor julle weer ‘n staking of optog beplan.
Daar is goeie redes waarom Nedbank hierdie besluite geneem het.
Hierdie is maar net die begin.

Alida

Ek is te oud om die tegnologie te verstaan maar wat as die krag afgaan of die robotte werk nie soos ons dit daagliks beleef.

Kala

Die entitled workers gaan nog lekker ontnugter word. Ek self is op die oomblik besig om sagteware te skryf wat my hoogs entitled kollega irrelevant gaan maak.