Die mishandelde blou apie (Foto: NDBV webblad)
Waarskuwing: Foto’s kan moontlik sensitiewe kykers ontstel.
Die Nasionale Raad van Dierebeskermingsverenigings (NDBV) verwelkom die skuldigbevinding van ʼn veearts wat ʼn apie agt jaar gelede gruwelik mishandel het.
Dr. Elfreda Alberts is Woensdag in die Nigel-landdroshof skuldig bevind op aanklagte van dieremishandeling, verwaarlosing, versuim om medikasie toe te dien, dwarsboming van die gereg sowel as die onwettige besit van ’n inheemse wilde dier.
Die NDBV is sowat agt jaar gelede daarvan bewus gemaak dat Alberts ʼn blouaapwyfie, wat slegs een ledemaat het, aanhou. Haar ander drie ledemate was geamputeer en sy was glo in erge pyn.
Met die NDBV-inspekteurs se aankoms by die veearts se huis, is hulle eers toegang geweier. Die polisie is later ontbied om in te gryp. “Toe die inspekteurs uiteindelik toegang tot die huis verkry, wou Alberts aanvanklik nie haar samewerking gee nie en hulle moes haar eers met inhegtenisneming dreig,” het die NDBV gesê.
Die apie is in ʼn hok in Alberts se slaapkamer gevind. Die apie se twee agterbene en een voorarm is geamputeer. Die apie het beweeg deur haarself met haar oorblywende arm rond te sleep. Sy het ook ʼn diep sny op haar buik gehad.
Die apie is verwyder en na ʼn veearts geneem vir ondersoek. Die veearts het besluit dat die apie uitgesit moet word om haar lyding te beëindig. Haar lyk is vir ’n nadoodse ondersoek gestuur.
Die NDBV het die voorval aan die Suid-Afrikaanse Raad vir Veeartseny gerapporteer wat aanbeveel het dat hulle vir die uitslag van die saak wag voordat hulle die veearts krimineel aankla.
Meg Wilson, woordvoerder van die NDBV, sê dit het bykans agt jaar geduur voordat geregtigheid kon geskied. “Die NDBV sal nooit ophou om geregtigheid te soek nie, maak nie saak hoe lank die regstelsel neem nie. Elke dier en elke saak is vir ons van kardinale belang, ” het Wilson gesê.
Alberts word 18 Maart in die Nigel-landdroshof gevonnis.
Mag hy nooit weer met diere werk nie
Dr. Elfreda Alberts is Woensdag in die Nigel-landdroshof skuldig bevind op aanklagte van dieremishandeling. Die veearts is ‘n vrou.
…hy is ‘n sy.
Baie ontstellend.
Laat my bloed sommer kook!
Geliewe kennis te neem dat dit ‘n vrou is en nie ‘n man nie! Skokkend!
Dagsê Lydia
Die veearts is inderdaad ‘n vrou. Ons vra om verskoning vir die oorsig. Die artikel is gewysig.
Dankie! Groetnis
Megan
nms Maroela Media
Mag ek nooit uitvind wie dit is nie…..
Ek ook
Des te meer skokkend dat dit iemand is wat diere moet help, en nogal n vrou. Skrap haar van die rol. En sluit haar ver weg.
Het sy die apie vir navorsing gebruik? Hoekom anders was die ledemate geamputeer en die ander wonde op die lyfie? Verskriklik!
Hierdie klink of sy ń regte dr. “death” is.
Hoekom 8 jaar? Ons regstelsel is die stadigste in die wêreld en seker ook nie van die beste nie
Meeste veeartse is net daar vir die geldmaak en stap nie die ekstra myl vir die diere nie. Glo my, daar is wel van die veeartse wat hulle beste gee vir die welstand van diere. Twee name is Dr. Nolan Landman en Dr. Peter Caldwell
Hoe walglik dat enigiemand so iets aan n hulpelose diertjie kon doen :-(. Lyk my sy is totaal n psigopaat!
Skokkend!! Ek het nie woorde nie!!
My hart is so bly vir instansies soos die dbv wat hand en tand baklei vir die diere
Hierdie berig is n voorbeeld dat onvolledige nuusberigte valse persepsies skep. Maroela Media, ek is n groot ondersteuner van julle beriggewing en ek vertrou altyd wat julle skryf tot en met hierdie kommentaar. Die berig is eenseidig en die veearts word as n monster uitgemaak. Sy het nie die apie se ledemate geamputeer vir die lekker daarvan nie. Hierdie apie is in n slagyster gevang. Die veearts het om een of ander rede besluit om die diertjie n tweede kans te gee. Of dit die regte besluit was is debatteerbaar, maar sy is nie die monster wat sy hier uitgemaak word om te wees nie. Dit was juis haar liefde vir diere wat haar aangepor het om die diertjie n kans te gee. Wilddiewe, slagysters. Dit was die sondebok. Nie die veearts nie. Almal wat so lekker klippe gooi, onthou dat n saak altyd drie kante het. Party 1 se kant, Party 2 se kant, en die waarheid.. Ek sukkel soms self met die media om n ingeligte opinie te hê veral omdat dit my emosies op hol kan jaag.
Dis onaanvaarbaar, terrible verby ek dink asn die arme Apie