‘Verkragter’ glo deur slagoffer se familie vermoor

Argieffoto

Drie familielede van ʼn vermeende verkragtingslagoffer is in hegtenis geneem vir moord ná hulle glo haar vermeende aanvaller so erg aangerand het dat hy gesterf het.

Sers. Majola Nkohli, woordvoerder van die polisie, het aan Maroela Media gesê die voorval het Sondag omstreeks 03:00 plaasgevind toe ʼn man, Xolani Lose (35), by die slagoffer se huis ingebreek en haar verkrag het.

“Haar gesinslede het by die huis aangekom terwyl die verkragting nog aan die gang was en het die man begin aanval,” het Nkohli gesê.

Dit is in dié stadium nog onduidelik watter wapens die familielede gebruik het, maar die man is op die toneel dood.

Die polisie is na die toneel ontbied. Drie verdagtes, tussen 23 en 50 jaar oud, is op aanklag van moord in hegtenis geneem. Hulle sal Dinsdag in die Addo-landdroshof verskyn.

ʼn Saak van verkragting is ook aanhangig gemaak vir ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Ann

Geen woorde …… ek sou ook iemand kan vermoor wat ‘n familielid van my verkrag! Hoop die klag word teruggetrek!

Annie

Gee daardie familie ń groot belonging. Die skade wat die slagoffer ervaar het sal haar hele lewe met haar wees. Gelukkig is een Van baie nie meer instaat om te verkrag nie.

JJ

As dit my dogter was, sou ek presies dieselfde gedoen het want die moontlikheid in hierdie land is baie groot dat die verkragter nog binne ‘n dag kan vry wees na so ‘n voorval

marous

Die blote feit dat hy dood is maak dit nie moord nie . Weet die polisie wat beteken noodweer of noodtoestand ? Wat sou ‘n polisie man doen as hy ‘n verkragter op sy dogter of vrou of ma kry ? Sy blad skud ?

Liberaal

Mense wat misdadigers probeer stop sal deur liberale linkse misdadigerverteenwoordigers streng vervolg word. Tedanke aan die liberale beweging en NWO wat die wereld vernietig.