Vicki Momberg se appèlaansoek misluk

Vicki Momberg. (Foto: ANA)

Vicki Momberg se aansoek om verlof tot appèl teen haar skuldigbevinding en vonnis is in die hooggeregshof in Johannesburg van die hand gewys.

Momberg is in Maart 2018 tot drie jaar tronkstraf gevonnis, waarvan ʼn jaar opgeskort is, ná ʼn rassistiese tirade twee jaar tevore. Sy is aan vier klagte van crimen injuria skuldig bevind.

Die hofsaak teen haar spruit uit ʼn voorval in Februarie 2016 toe Momberg ná ʼn rooiligrooftog die polisie geskakel het. Sy het die operateurs en die polisielid wat haar wou help, herhaaldelik die k-woord toegesnou.

Regter Thifhelimbilu Mudau het Vrydag Momberg se borgtog verleng en aan haar verduidelik dat sy 30 dae het om ʼn aansoek om verlof tot appèl by die appèlhof in te dien.

Sou sy versuim om dít te doen, moet sy haar aan die klerk van die hof gaan oorgee om haar vonnis te begin uitdien.

Momberg het haarself in die jongste aansoek verteenwoordig nadat sy vroeër haar sesde regspan afgedank het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

77 Kommentare

jongste oudste gewildste
Neville

VIR MY BLYK DIT DAT SY GEBOELIE WORD DEUR N REGSTELSEL WAT DISFUNKSIONEEL IS

Gert van Wierdapark

Sy moet miskien by die Speaker ‘n paar wenke kry hoe om vir jare weg te kom oor n ou diere-probleempie naby haar plasie op Potch!

HM

Jip sy word geboelie. Onregverdig. Ons is ook moeg daarvoor vir beledigings.

Lou

Dit is waar, maar mens moet darem ook nou nie op jou eie stoep vuil maak en dan verwag iemand anders moet jou kom red nie. Sy het haar 6 de regspan afgedank ??

Heksie

Sy’s arrogant en moet kry wat haar toekom.

6 regspanne wat pro bono optree jaag sy weg!

As sy dan soveel beter weet as die regsgeleerdes moet sy maar vir haar kry!