ʼn Vyfjarige seun het Woensdag ’n noue ontkoming gehad toe hy betyds uit ʼn brandende huis in Durban, KwaZulu-Natal, ontsnap het.
Die seun was in die boonste verdieping van ʼn huis in Millweg in Avoca, Durban-Noord, toe ʼn brand om 13:24 op dié verdieping uitgebreek het.
Volgens Prem Balram, woordvoerder van Reaction Unit South Africa (Rusa), was ʼn reaksiebeampte van Rusa in die omgewing toe hy rook uit die huis sien trek het. Hy het die hulp van ander beamptes ontbied.
“By beamptes se aankoms by die huis was die boonste deel van die huis heeltemal in vlamme gehul,” bevestig Balram.
Omstanders het die beamptes ingelig dat daar ’n vyfjarige seuntjie in die huis vasgekeer is.
“Beamptes het ʼn soektog na die kleuter van stapel gestuur en hom toe buite die huis in die straat gewaar. Hy was ongedeerd.”
Volgens die seun was hy alleen in die huis toe die brand uitgebreek het. Hy het uit die huis gevlug en sy pa – wat vroeër na ʼn plaaslike winkel gegaan het – gaan soek.
“Brandbestryders is na die toneel ontbied en het vinnig die brand in bedwang gebring. ’n Gedeelte van die dak het ineengestort.”
Die oorsaak van die brand word ondersoek.
‘n Beampte van Marshall Security – ‘n plaaslike sekuriteitsmaatskappy – het ook ingespring en gehelp:
ARMED RESPONSE OFFICER DOUSES AVOCA HOME FIRE ALONGSIDE OFF DUTY FIREMAN | One of our armed response officers, Bradley Govender, didn't hesitate to jump into action when he arrived at a home engulfed in flames this afternoon. pic.twitter.com/U5hom488mg
— Marshall Security (@marshall_sec) November 17, 2021
Hoe los jy jou 5 jarige kind alleen by die huis? Gelukkig kon daai arme kind nog veilig uit die huis kom en kon so anders uitgedraai het
Dsnkie tog die kind is veilig. Lyk my Zuma se KZN empire gaan een vd dae niks meer oorhê om af te brand nie.
3 horas vir die sekuriteitsbeampte vir sy vinnige opotrede
Vra die klein mannetjie hoe die brand onstaan het.
Wie het opgelet dat die een beampte water spuit met ‘n bars in die pyp…?
Net in Afrika…