[Video] Onderwyskongres afgestel toe chaos uitbreek

AfriForum Jeug het Saterdag ʼn klag van aanranding teen Lindsay Maasdorp, die woordvoerder van die Black First Land First-beweging, aanhangig gemaak omdat hulle beweer hy het lede van AfriForum Jeug tydens 'n Nasionale Onderwyskrisisforum in Midrand aangerand. Foto: AfriForum Jeug

AfriForum Jeug het ʼn aanrandingsklag teen Lindsay Maasdorp, die woordvoerder van die Black First Land First-beweging, aanhangig gemaak omdat hulle beweer hy het lede van AfriForum Jeug tydens ‘n onderwyskrisisforum in Midrand aangerand. Foto: AfriForum Jeug

AfriForum Jeug het Saterdag ʼn klag van aanranding teen Lindsay Maasdorp, die woordvoerder van die Black First Land First-beweging, aanhangig gemaak nadat geweld by die Nasionale Onderwyskrisisforum in Midrand, Johannesburg, uitgebreek het.

Die forum moes gister onverwags gekanselleer word nadat stoele en waterbottels heen en weer tussen opponerende partye geslinger is in die markiestent wat by Eskom se Onderwyssentrum opgeslaan is. Lede van die ANC, die Young Communist League of SA (YCLSA), die studenteorganisasie Sasco, die EFF se studentekommando en AfriForum Jeug het die beraad bygewoon.

Die beraad is minstens drie keer ontwrig voordat dit uiteindelik gekanselleer is.

Studente het geweier dat AfriForum-verteenwoordigers, universiteite se visekanseliers en Blade Nzimande, minister van hoër onderwys en opleiding, die afgevaardigdes toespreek. Hulle het weereens aangedring op hul eis vir gratis onderrig en het geëis dat studente wat verlede jaar gekors is weer toegelaat word op kampusse.

Toe Adam Habib, visekanselier van die Universiteit van die Witwatersrand, sy plek by die podium inneem, is hy uitgejou. Hy het oor die dreunende stemme probeer praat, maar later die podium verlaat.

Jaco Grobbelaar, AfriForum Jeug se koördineerder vir Tukkies, het gesê hy het ook na die podium gestap tydens sy aangewese spreekbeurt toe studente, wat aanvoer hulle is deel van #Feesmustfall-strukture, aan hom gesê het hy mag nie praat nie omdat hy wit is.

Volgens Renier Goosen, voorsitter van die Tukkies-tak van AfriForum Jeug, het daar ʼn bakleiery uitgebreek. “Hulle het ook in ons gesigte die kreet ‘one settler, one bullet’ geskree en die ‘Kill the Boer’-liedjie gesing. Daar het ʼn groot bakleiery uitgebreek – mense het mekaar met stoele gegooi en lede van AfriForum Jeug is deur Maasdorp aangerand,” het hy gesê.

“Ons het gevrees vir ons lewe. Dit wys dat hulle geen agting het vir ons bydraes nie en rassisties teenoor wit mense is. Ons hoop dat die polisie die saak sal opvolg,” het Grobbelaar bygevoeg.

Blade Nzimande, die minister van hoër onderwys en onderrig, tydens 'n vorige geleentheid. Foto: Ntswe Mokoena

Blade Nzimande, die minister van hoër onderwys en onderrig, tydens ‘n vorige geleentheid. Foto: Ntswe Mokoena

Toe die bakleiery uitgebreek het, is Nizimande deur veiligheidswagte uit die tent begelei. Hy het later wel probeer om die studente toe te spreek, maar dit was tevergeefs en hy het die sentrum verlaat.

Die sameroepers van die geleentheid, wat afgetrede regters Dikgang Moseneke en Yvonne Mokgoro insluit, het besluit om die geleentheid om veiligheidsredes onbepaald uit te stel. Die organiseerders het gesê die vergadering was bedoel om almal die geleentheid te bied om na mekaar te luister. Aangesien die minister en die visekanseliers egter nie kans gegee is om te praat nie, dien die forum geen doel nie.

Nizimande het gesê wat by die forum gebeur het, is sleg vir die land. “Ons hoop die land sien hierdie minderheid raak wat nie in dialoog betrokke wil raak om ernstige kwessies oor transformasie in hoër onderwys te bespreek nie. Die probleme in die hoër onderwys is nie net die regering se probleme nie. Onderwys is ʼn samelewingskwessie, maar nou is die minderheid nie bereid om gesprek daaroor te voer nie. Dit is betreurenswaardig.”

AfriForum Jeug het die onderstaande video met die media gedeel waarop daar gesien kan word hoe Maasdorp na bewering verteenwoordigers van AfriForum Jeug aanrand:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

50 Kommentare

jongste oudste gewildste
Dereck Le Roux

Vir Afriforum Jeug dit is jammer dat julle op so duur wyse moet leer om die plek te vermy waar die plaag val.

zoom zoom

Al wat hulle goed kan doen is om af te breek.

Fritz

En ons word die rasiste genoem. Apartheid is trug net omgekeerd. Maasdord jys net nog n aanhitser wat geen respek het vir ander. Geen maniere of disipliene. Dis julle probleem en daarom sal julle nerens kom nie. Julle wil alles verniet he waarvoor die witmens bereid is om voor te werk.

Charles

you stick a camera in my face and i might do the same… you were warned and you continued.. you provoked the man after the fact and the court will also see it that way…

Thuunda

So kruip die openlike konflik al nader.