[Video] Skok-video oor padveiligheid uitgereik

'n Skermskoot uit die video.

‘n Skermskoot uit die video.

ʼn Grafiese video oor padveiligheid wat deur die Wes-Kaapse departement van vervoer en openbare werke uitgereik is, het gemengde reaksie van kykers ontlok.

Die video, wat sedert sy bekendstelling wyd op sosiale media gedeel word, word deur sommige sosialemediagebruikers geloof vir die eerlikheid en effektiwiteit daarvan. Ander meen die video is te grafies en kan mense moontlik traumatiseer.

Donald Grant, die Wes-Kaapse minister vir vervoer en openbare werke, het in ʼn verklaring gesê die video vorm deel van die “First Kiss”-veldtog wat radioadvertensies, advertensieborde en plasings op sosiale media insluit.

“Navorsing het bewys dat die besluit om nie ʼn veiligheidsgordel te dra nie ʼn besliste pad tot die dood of ernstige beserings kan beteken. Wanneer ʼn motorbotsing plaasvind en die insittendes is nié vasgegordel nie, hou hulle aan om te beweeg teen dieselfde spoed as wat die motor gery het toe die botsing plaasgevind het. Hulle word in die raamwerk van die motor of teen die ander insittendes vasgeslinger en die gevolg kan noodlottig wees,” het Grant gesê.

“Ons kan almal deel daarvan wees om ons paaie veiliger te maak as ons net die lewensbelangrike besluit neem om vas te gordel.”

Volgens Grant is die advertensie oor twee dae in Woodstock en die Bo-Kaap verfilm en werklike verkeersbeamptes, forensiese patoloë, noodpersoneel en brandweerpersoneel het aan die advertensie deelgeneem.

[WAARSKUWING] Die advertensie is skokkend en grafies van aard. Dit is nie vir sensitiewe kykers bedoel nie en diskresie word aanbeveel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Linda

Dis reality. Hoop die mense wat dit offensive vind dink 2 keer.

A

Kry hoendervleis elke keer as ek na hierdie advertensie kyk. Dis di realiteit van SA paaie, jy moet ni net vi jouself bestuur ni maar vir almal wat op di pad is ook… wees veilig, so maklik soos dit!

Anna

Dit is omdat ons te bang is om mense te traumatiseer dat so baie ongelukke gebeur. Wat is meer traumaties, die video te kyk wat ‘n ongeluk uitbeeld of die werklikheid van ‘n geliefde verloor a.g.v nalatige of roekelose of onverantwoordelike bestuurders. Dit is tyd om wakker te word en realiteit te aanvaar.

Bietjie

Grafies ?
Hey hierdie video is nie die werklikheid!
Wat van “Farm murders South Africa” op Google Images !
Dit is grafies :
Dit is die werklikheid !
Pasop vir oor sensitief wees vir tonneelspel en die werklikheid ignoreer .
Dit is volksmoord ! Wat gebeur daaroor ? Hoe sleg moet dit gaan voordat die werklikheid besef word oor wat op die paaie aangaan en wat met die minderheid gebeur? Wanneer gaan die minderheid mekaar regtig help ?
Hoe grafies moet dit wees /gaan voordat alle verskille oor die hoof gesien word ?
Krag lê in werklik saam staan !!!!!!!

Johan

Nie so goed nie. Almal is dood. Met of sonder veiligheidsgordel. So, wat leer dit jou? Moenie ñ fout maak nie. Ek glo in veiligheidsgordels.