Vier sterf in Limpopo-ongeluk

Foto verskaf deur Limpopo- departement van vervoer

Vier persone is Saterdag dood en een het ernstige beserings opgedoen in ʼn trompop ongeluk tussen ʼn Volkswagen Polo en ʼn Mahindra naby Philadelphia in Dennilton, sowat 30 km suidwes van Groblersdal in Limpopo.

Die bestuurders van albei voertuie en twee passasiers is op die toneel dood verklaar. Een passasier het ernstige beserings opgedoen en is na ʼn hospitaal geneem.

Die departement van vervoer en gemeenskapsveiligheid het die oorsaak van die ongeluk toegeskryf aan roekelose bestuur.

In nog ʼn ongeluk is ʼn persoon ook in ʼn kop-teen-kop botsing dood op die R81 buite Giyani. ʼn Bestuurder van ʼn Hyundai het op ʼn sperstreep ʼn ander voertuig verbygesteek en ʼn Toyota reg van voor getref.

“Die bestuurder van die Hyundai is op slag dood. Die passasier het geringe beserings opgedoen. Die bestuurder van die Toyota en die passasier in dié motor het ernstige beserings opgedoen en is na Khensani-hospitaal geneem,” het die departement bygevoeg.

Foto verskaf deur Limpopo- departement van vervoer

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Ovelia

Wees strenger wat spoed betref

JM

Ongeduld en verontagsaming van die padreëls! Die paar sekondes waar geduld toegepas word, kan lewens spaar.

Cherokee

Debateerbaar Ovelia, uiters bespreekbaar, want alhoewel spoed waarskynlik aanleiding gegee het, was dit nie spoed as sulks, maar onbevoegdheid.

Thelsa

Die oorsaak van meeste van die kop aan kop botsings is eenvoudig. Sperstrepe is daar vir ‘n doel. Dit is nie aangebring oor daar ‘n oorvloed van verf oor was nie. As alam in die baan bly en nie ander voeruie verbysteek waar sperstrepe is nie, is die kans NUL vir kop-aan-kop botsing

marius

Geen wets toepassing nie . En daar sal ook nie wees nie . Punt .