Foto verskaf deur ER24
Vier persone het noodlottige beserings opgedoen in ʼn ongeluk op die R510 tussen Rustenburg en Mogwase in Noordwes.
Werner Vermaak, woordvoerder van ER24, het gesê paramedici is Saterdagaand net ná 18:00 na die toneel ontbied. “Twee persone in een van die voertuie het omgekom en twee in die tweede voertuig. ʼn Insittende in ʼn derde voertuig het matige beserings opgedoen en is na ʼn hospitaal geneem vir verdere behandeling.”
Plaaslike owerhede ondersoek die oorsaak van die ongeluk.
