Die ongelukstoneel. (Foto: Facebook)
ʼn 40-jarige man is kritiek beseer nadat ʼn vliegtuig naby Germiston in Gauteng neergestort het.
Die nooddiens Emer-G-Med het omstreeks 13:00 Saterdagmiddag gereageer op berigte van ʼn vliegongeluk by die Randse Lughawe-pad. Twee mans was in die ongeluk betrokke. Die tuig het klaarblyklik in die veld naby die pad neergestort.
“Twee pasiënte is na die hospitaal vervoer. Een van hulle is kritiek beseer en die ander persoon het matige beserings opgedoen,” lui dié nooddienste se verklaring oor die voorval.
Die Burgerlugvaartowerheid (BLO) het nog nie die ongeluk bevestig nie.
