ʼn 43-jarige vrou het wonderbaarlik oorleef nadat haar motor glo sowat 180 m ver by Chapmanspiek afgestort het.
Lede van die Wildernis-soek-en-reddingspan (WSAR), reddingswerkers en nooddienste is Maandagmiddag na die toneel ontbied.
Volgens David Nel, WSAR se woordvoerder, was die vrou glo na Houtbaai onderweg toe haar motor teen ’n steil helling afgestort het. Sy was alleen in die motor.
’n Klein mediese en reddingspan het teen die steil terrein afbeweeg om die wrak te bereik.
“Die vrou kon daarin slaag om uit die motor te kom, maar sy kon nie verder loop nie,” sê Nel.
Die pasiënt is op die toneel behandel voordat sy op ’n draagbaar geplaas is wat aan toue vasgemaak is en sy veilig tot bo by die pad gehys is. Sy is daarna per ambulans na ʼn nabygeleë hospitaal vir verdere mediese behandeling vervoer.
’n Hommeltuig van die Wes-Kaapse nooddienste is gebruik om die reddingspoging te monitor en terugvoer te gee.
Volgens Nel was dit ʼn veeleisende reddingspoging, maar is dit vergemaklik danksy verskeie bekwame reddingspesialiste wat op die toneel was.
“Ons wens die vrou ʼn spoedige herstel toe.”
Dis genade op genade . . .
onthou ek ewe skielik die ou Mercedes advertensie bergaf, met Land Rover se advertensie agterna, terug op
Huilend hert,so baie reddingswerkers om een vrou by te staan.Een helikopter met 4 reddingswerkers sou ook die ding kon doen.
…heigend hert…
Jammer, maar ek moet lag “Huilende hert”…Bhahahaaaaaaaa. Iewers iets gehoor maar weet nie mooi nie.