Foto: SAPD/Facebook
Twee mans is in Polokwane in hegtenis geneem nadat ʼn vrou se kop by hulle gevind is, het die polisie in Limpopo gesê.
Kol. Ronel Otto, woordvoerder van die polisie, het gesê polisiebeamptes het Sondag inligting opgevolg oor mense wat glo menslike liggaamsdele verkoop. “Die beamptes het ʼn voertuig voorgekeer in Markstraat naby die taxistaanplek.”
Volgens Otto het beamptes die voertuig deursoek en op ʼn vrou se kop afgekom wat in koerantpapier toegedraai was. Twee verdagtes is in hegtenis geneem. Otto het gesê dit is nog nie duidelik waar of wanneer die vrou vermoor is nie.
Otto het intussen bevestig dat polisiebeamptes Maandagoggend op die verbrande liggaam van ʼn vrou afgekom het onder ʼn brug in Mahwelereng. Sy het gesê die moontlikheid word ondersoek dat dit die liggaam is van die vrou wat vermoor en wie se kop verwyder is.
Die verdagtes sal Maandag in die Mahwelereng-landdroshof verskyn op aanklag van moord.
Wreed! Siek man ! Mense is mal geharde moordenaars!
Vrou se kop shoe dis erg. Bly hul is gevang
Verlos ons van die bose.
Watse groepe glo nog in muti en mense doodmaak daarvoor?
Bring die doodstraf terug!!!!!!!!!!!!!!!!!!!
Hoe kan jy die doodstraf wil terugbring, DBD? Moord is mos een van ons land se nasionale sporte! Die ander is verkragting en roof (gewapen of slegs net “grab a bag”)!!!
En dan nog ‘n dag of wat met die kop rondry om te probeer om ‘n paar rand daaruit te maak.
HIERDIE LAND IS DODELIK SIEK.
Dit is Afrika, en meer siek mense as wat n mens kan droom van.