Dr. Freddie Malan. (Foto: Facebook)
Die 28-jarige Linda Samantha Carolina Venter is skuldig bevind aan die moord op die geliefde Pretoriase veeaarts, dr. Freddie Malan.
Malan is in Januarie 2019 in sy praktyk in die Moot doodgeskiet toe ’n vrou en twee mans die betrokke aand op die Jakaranda-dierehospitaal toegeslaan het.
Dié trio is daarna met talle misdaadsake verbind. Venter is tot op hede egter die enigste om in hegtenis geneem te word.
Venter is Vrydag in die Johannesburgse hooggeregshof ingevolge ’n pleitooreenkoms skuldig bevind aan Malan se moord.
Phindi Mjonondwane, woordvoerder van die Nasionale Vervolgingsgesag (NVG), het aan Maroela Media gesê regter Mahango het Venter ook aan 25 aanklagte van gewapende roof met verswarende omstandighede skuldig bevind.
Linda Samantha Carolina Venter is destyds op beeldmateriaal vasgevang (Foto: Verskaf)
Maroela Media het vroeër berig Venter is in Augustus 2019 in Roodepoort in hegtenis geneem nadat sy en haar makkers in verband met talle misdade in Gauteng gesoek is. Dit sluit in etlike rooftogte by mediese praktyke.
Rooftog loop skeef
Venter het op die dag van Malan se moord in die Jakaranda-dierehospitaal ingegaan om kwansuis meer inligting te kry oor die behandeling van ’n troeteldier waarna sy die dierehospitaal se hek vir haar twee makkers oopgehou het.
Die twee mans het die personeel van die dierehospitaal gekonfronteer. ’n Woordewisseling het ontstaan en Malan is doodgeskiet.
Mjonondwane sê die saak is uitgestel sodat ’n voorvonnisverslag opgestel kan word. Venter sal na verwagting op 5 Julie gevonnis word.
Hoe se hulle, meng jou met semels dan vreet die varke jou
Grote griet. Wat gaan aan met die vrouens dat hulle, hulle mans vermoor. Ek is self ‘n vrou en verstaan nie wat dryf jou na so iets nie. Daar is seker soveel ontbeantwoorde vrae
Dis NIE sy vrou NIE
Dit was nie haar man gewees nie.
Heelwaarskynlik dwelms.
Sy dink ook aan die hoteleienaar se vrou.
Daar is geen manier dat sy vrou dit ooit sou kon doen nie
Jy sit die pot heeltemal mis in hierdie verband
Gewetenlose misdadigers! Daar is nie plek vir sulke mense in ons samelewing nie.
die wiel draai, baie stadig, maar verseker, iewers gaan misdadigers ‘n fout maak, dan is die gevolge daar
Vragie: wat gebeur nou met haar kind? Word die kind in pleegsorg geplaas totdat sy eendag uitkom? Waar is haar familie? Indien enige sou sy mos nie met die kind by die hof rondgehang het nie of was die kind al hierdie tyd saam met haar in die gevangenis?
Ek wil net weet HOEKOM. Wat gaan in ‘n mens se kop aan om ‘n ander leed aan te doen en dood te maak. HOEKOM. Mag sy tot inkeer kom in die tronk. Use the time in prison and REPENT.
kyk wie help haar,en wat het sy hulle betaal.
Pleit ooreenkoms ? Het die familie insae gehad ?
Ongelooflike goeie veearts. Hy het twee keer my worshond se reg ge-opereer. Was een van die kenners op ortopediese operasies op diere. Sy fooi was 50% van die veeartse in JHB omgewing. En hulle het hom vermoor vir omtrent niks nie
Party doen dit uit liefde vir diere en ander uit liefde vir geld.
My veearts het 6 mense wat vir haar by haar praktyk werk en 3 kinders op universiteit. Sy doen dit ook vir die liefde vir die diere, maar sy het ook afhanklikes.