Wéér met een punt op Twickenham

Eben Etzebeth op die aanval. Foto: Adrian Dennis/AFP.

Vir die tweede agtereenvolgende keer het die Springbokke met een punt op Twickenham verloor toe ’n Marcus Smith-strafskop die wedstryd in die 79ste minuut vir Engeland beklink het.

Die eindtelling van die aksiebelaaide tweestryd was 27 – 26 in die Rose se guns. En na alles wat in die aanloop tot die wedstryd gebeur het, was dit omtrent ’n slagveld.

Die Rose het ongetwyfeld die beste rugby in die eerste helfte opgedis: Hulle het beter geskop, hul lynstane het gewerk, hulle het drieë gedruk en hulle het selfs ’n skrumstrafskop gewen.

Tog het Handré Pollard se skopvoet die besoekers in die prentjie gehou en hulle het rustyd ’n agterstand van slegs vyf punte (17 – 12) gehad om in te haal.

In die tweede helfte het die Bokke se skrums skielik vlamgevat en die Engelse het die een strafskop na die ander begin afstaan.

Damian de Allende het ook ’n baie goeie wedstryd gehad. Foto: Adrian Dennis/AFP.

Voeg daarby Makazole Mapimpi se 20ste drie van sy jong loopbaan en ’n briljante Eben Etzebeth wat weer eens met ongeëwenaarde aggressie gespeel het, en dit het gelyk of die Bokke se vertoning in die tweede helfte vir hulle die knoop sou deurhaak.

Maar ’n geel kaart, ’n spul verbroude stelskoppe en ’n strafskop  (reg voor hul pale) het dinge vir hulle deurmekaar kom krap.

“Dit is taai en ons is baie teleurgesteld dat ons nie gewen het nie, maar dit was ’n goeie rugbywedstryd gewees. Ons het vandag ’n paar onnodige foute gemaak en Engeland het goed verdedig,” het Siya Kolisi ná die wedstryd gesê.

“Ons sal nooit verskonings maak as ons verloor nie en ek is baie trots op wat die span vanjaar vermag het.”

Siya Kolisi is ná ’n luggeveg van die veld gestuur. Foto Glyn Kirk/AFP.

Volgens die Springbokkaptein was 2021 ’n moeilike jaar vir baie mense en dat dit ’n voorreg is om vir ’n bietjie hoop in die Springboktrui te sorg.

Ja, hulle het vandag verloor, maar in ’n onstuimige jaar kon die Springbokke darem vir ’n paar Suid-Afrikaanse hoogtepunte sorg.

En daaroor mag ’n mens maar trots wees.

  • Puntemakers:

Engeland: Drieë: Manu Tuilagi, Freddie Steward en Raffi Quirke. Doelskoppe: Marcus Smith (3). Strafskoppe: Smith (2).

Springbokke: Drie: Makazole Mapimpi. Strafskoppe: Handré Pollard (5), Frans Steyn en Elton Jantjies.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
casper

Die verbroude skoppe !!!

MakersMark

Ongelukkig was die bokke op vakansie gedurende eerste helfte en England doen al die speelwerk. Bokke domineer vaste fases in tweede helfte, smyt ‘n sekere drie weg, mis 8 punte met skoppe en verloor met een punt. Iets moet aan Pollard en Jantjies se skopwerk pale toe gedoen word. En natuurlik was willie weer pateties op heelagter. Swak toets vir die bokke.

Harley Davidson

Dit is goed so die beste span in die wêreld wat kwota sisteme(apartheid) ondersteun ‘n sisteem waar spelers nie op meriete nie maar die kleur van hulle vel gekies moet word.

johan

Telling vlei die Bokke. Gelukkig vir hulle was die skeidsregter aan hulle kant die keer… 18 strafskoppe teen Engeland en net 5 teen die Bokke. Sal weddenskap aangaan dat Rassie nie die een sal ontleed in ‘n video nie….

Colombo

Die Springbokke bly n kwotaspan en sal in die toekoms ook so bekend staan.