(Foto: Hennie Stander/Unsplash)
Wat hou Suid-Afrikaners snags wakker?
Volgens ʼn onlangse studie deur Ipsos – een van die grootste marknavorsingsmaatskappye ter wêreld – is werkloosheid hoofsaaklik die antwoord.
Luidens die studie, genaamd “What Worries the World”, sê 69% van Suid-Afrikaners dat werkloosheid hul grootste bekommernis oor die land is.
“Dít terwyl 41% van die res van die wêreld inflasie as hul grootste bekommernis sien,” sê Kelly Arnold, Ipsos-bestuurder in Suid-Afrika.
Die neigings is egter niks nuuts nie, sê Ipsos.
“Hoewel die land al jare lank met hoë vlakke van kommer oor werkloosheid worstel, toon die jongste opname egter ʼn kommerwekkende 5%-toename in vergelyking met die vorige jaar se data.
“Selfs gedurende tydperke van relatiewe stabiliteit het kommer oor werkloosheid in Suid-Afrika nie onder 60% gedaal nie.”
Internasionaal is werkloosheid die vierde grootste bekommernis uit ʼn lys van 18 kwessies, met 27% van respondente wat werkloosheid as kopseer beskou.
Uit die 29 lande waar die opname gedoen is, het slegs nege lande ʼn toename in kommer oor werkloosheid getoon.
Indië, die land met die tweede hoogste vlak van kommer oor werkloosheid, is ver agter Suid-Afrika met 49% van die bevolking wat werkloosheid as hul grootste kommer beskou.
“Terwyl ander lande tekens van herstel in werkloosheid ná die Covid-19-pandemie toon, dien die toenemende onrustigheid oor werkloosheid in Suid-Afrika as ʼn skerp herinnering aan die uitdagings wat die land in die gesig staar,” sê Arnold.
Daar kan aangevoer word dat die groot angs oor werkloosheidsvlakke in Suid-Afrika nie sonder rede is nie.
“Amptelike statistieke dui daarop dat die land se werkloosheidsyfer in die vierde kwartaal van 2020 tot ʼn rekordhoogtepunt van 34,4% gestyg het, teenoor 23,3% van ʼn jaar tevore.
“Die jongste data oor Suid-Afrika se amptelike werkloosheidsyfers is ontstellend, met 32,7% van Suid-Afrikaners (of 7,8 miljoen mense) wat tans sonder werk sit.”
Dit beteken dat meer as ʼn derde van die land se potensiële arbeidsmag nie werk kan kry nie.
Werkloosheid raak veral vroue in Suid-Afrika, met ʼn verbysterende 35,5% van vroue wat deel van die werkloosheidsyfers vorm, vergeleke met 30,4% van mans.
Volgens Arnold word werkloosheid in Suid-Afrika verder vererger deur die oneweredige verspreiding daarvan oor die bevolking.
“33,6% (of 3,4 miljoen uit 10,2 miljoen) jongmense tussen die ouderdom van 15-24 het nie werk, onderwys of opleiding nie.
“Dit is nie net ʼn belangrike sosiale en ekonomiese kwessie nie, maar ook ʼn moontlike bron van politieke onstabiliteit.”
Werkloosheid in Suid-Afrika het ook diepgewortelde oorsake wat dekades ver terug strek.
“Die Covid-19-pandemie het hierdie probleme verder vererger. Dit het gelei tot ʼn verlies van drie tot vier miljoen werksgeleenthede.”
Die kommer oor werkloosheid in Suid-Afrika is nie beperk tot kommer oor die hede nie, maar weerspieël ook ʼn breër gevoel van onrustigheid oor die land se toekoms.
Nege uit 10 Suid-Afrikaners meen boonop die land is in die verkeerde rigting op pad.
“Argentinië is die enigste ander land wat ʼn hoër vlak van kommer oor die toekoms van hul land het.”
Die deurdringende gevoel van onrus onder Suid-Afrikaners word weerspieël in hul indrukke en opvattings van die nasionale ekonomie, met ʼn skamele 14% wat die huidige stand van die ekonomie as “goed” beskryf.
Ander kwessies wat meer as die helfte van Suid-Afrikaners snags wakker hou, is misdaad en vlakke van geweld.
Altesame 58% van Suid-Afrikaners het dit as hul tweede grootste bekommernis aangedui, met finansiële en politieke korrupsie kort op sy hakke (57%).
“In die lig van die misdaadstatistieke wat betreklik gereeld deur Bheki Cele, minister van polisie, bekend gemaak word, behoort dit nie vir Suid-Afrikaners vreemd te wees dat die syfer vir misdaad en geweld 28% hoër as die wêreldgemiddeld is nie.
“Dit beklemtoon die dringende behoefte aan doeltreffende maatreëls om misdaad te bekamp, die aard van die misdaad wat gepleeg word te pak en die doeltreffendheid van die polisiediens in die land te verhoog.”
Hoewel Suid-Afrika as ʼn middelinkomsteland geklassifiseer word, bly armoede en maatskaplike ongelykheid ʼn uitdaging.
Die 35% van Suid-Afrikaners wat kommer hieroor uitspreek, plaas armoede en maatskaplike ongelykheid as Suid-Afrikaners se vierde grootste bekommernis; net effens hoër as die wêreldgemiddeld van 32%.
Baie mooi. Viva ANC. Maak almal arm, en as gevolg daarvan, afhangklik op die regering. En dan is ons ‘n mooi rooi land bet ‘n blink toekoms vir die wat in krag is, en leiding en dood vir die res.
China en Rusland.
Almal kla die heeldag maar niemand durf die oorsaak van probleme aan te pak!!!
Arbeidswette??
Die ANC is die nagmerrie.
Die anc is die oorsaak van dat baie sonder werk sit vat vat daai BEE weg en almal sal werk he maar daar word net na our people om gesien vir werk die witte moet maar op snork gaan jy werk vra word jy weg gewys daarom gaan dit so in SA
Die aanwas van die populasie is ook ‘n groot probleem.
Absoluut!! Die Regering moet ‘n instelling maak dat elke gesin net 2 kinders mag kry soos in China. DIT is ons grootste probleem want hulle kry net meer kinders om meer GRANTS te kan kry. Die bevolkingsaanwas in SA het heentemal handuit geruk, daarom sit ons met Krag probleme, Te min skole, en Staatshospitale is oorvol en meer en meer geld moet aan social grants betaal word
Wat in S.A is nie ‘n nagmerrie???
Die onvolhoubare bevolkingsaanwas is die grootste probleem, die wortel van elke sielsalige probleem in hierdie land. Almal dink die ANC is probleem nommer een, en hulle IS n massiewe probleem Maar: Al het ons nou n DA of VF regering gehad, die eenvoudige punt is, daar sal nooit genoeg werk geskep kan word vir die eindelose vloed van nuwe wesens wat gebore word nie.
Ja, met daai R350 kom jy mos ver.
Miskien moet die werkloses dink om die nuttelose ANC uit te stem? Dit is maklik maats. Jy sit net nie ‘n X by die ANC op die stembrief…..en woeps is die ANC weg!
En dan is daar die wat nogsteeds in Lalaland woon en dink dat die land dsal verbeter en dat ons die huidige regering met die volgende verkiesing sal uitstem…word asb net wakker!
ANC antwoord die vraag asb, soos jul elektriese minister wat nou al 3 salarisse getrek het en ner sê dit gaan swaarder gaan! Ek kon dit vir julle gesê het sonder betaling, so vra die ANC EFF hoekom het mense nie meer werk behalwe kaders!
Vreemd dié massa werkloosheid. Met regstellende aksie en BEE all over the show, behoort almal in SA eintlik werk te hê. Die “regte” velkleur is dan AL wat tel. Werkloses behoort net 2 miljoen te staan en behoort 100% uit die gehate rassistiese wit mense te bestaan.
Die grootste nagmerie is die bevolkingsontploffing waaroor ons te bang is om oor te praat.
Die beurtkrag agv die ANC se korrupsie en onbekwaamheid doen meer skade aan SA besighede dan wat Covid ooit kon doen, besighede sluit agv beurtkrag.
Ja en dan sê mense steeds bedelaars is lui en moet gaan werk soek