Zuma sê buitelanders sal beskerm word

Jacob Zuma. Foto: GCIS

Jacob Zuma. Foto: GCIS

President Jacob Zuma het Vrydag tydens ʼn toespraak hoëkommissarisse en ambassadeurs verseker dat buitelanders in Suid-Afrika beskerm sal word.

Die aankondiging is gemaak tydens ʼn seremonie waar Zuma geloofsbriewe van 11 lande, insluitend Ghana, Nepal, Indië, Zimbabwe, Peru, Myanmar, die Republiek van Korea, Jamaika, Japan, Oekraïne en Suid-Soedan ontvang het.

“Ons sal verseker dat al ons mense, insluitend buitelandse burgers, altyd voel dat hulle veilig is, waar ook al hulle in die land is,” het Zuma gesê. “Ons wetstoepassers is besig om die net stywer te span om dié wat krimineel opgetree het teen die buitelandse burgers in ons plakkerskampe ‘n paar weke gelede.”

Dit volg nadat die 14-jarige Siphiwe Mahori in Januarie in Soweto na bewering deur ʼn Somaliër geskiet is toe ʼn groep mense glo by sy winkel probeer inbreek hetTalle winkels wat deur buitelanders besit word, is daarna geplunder. Dit het gelei tot die dood van ten minste sewe mense wat ʼn maand oue babaseuntjie insluit.

Verder is vier Ethiopiërs aangeval en gewond in hulle winkel in Kwazulu-Natal.

Zuma het genoem dat hy bly is om geloofsbriewe van lande buite die Ibsa-lidlande (Indië, Brasilië en Suid-Afrika) en Brics-lidlande (Brazil, Rusland, Indië, China en Suid-Afrika) te ontvang.    

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Francois

So, Zuma dink daar is net geweld in plakkerskampe? Ek wonder in watter land woon HY? Wat van die mense wat helder oordag aangerand en besteel word. Meeste van die nogal toeriste. En wie soek nou eintlik geloofsbriewe van DIE lande, ons soek hulle van 1ste Wereld Lande.

Tammycrawfors

Hoe wil jy dit reg kry om enige iemand in Suid Afrka te beskerm behalwe jouself, Zuma? Hou op twak praat en doen iets tot voordeel van die burgers van hierdie land. Ons leef agter tralies en ons honde word in ons huise gehou om nie dood gemaak te word nie. Ag nee, man jy laat my lag vir al dinge wat jy kwyt raak. Word net n slag wakker!!

Coenraad

Gaan buitelanders se eiendom op Clifton ook beskerm word?

Ama-broek

Zuma wat van plaasmoorde? Jy kan nie eers die hand vol boere en hul werkers beskerm nie.

J.Z

Jacob wie probeer jy bluf?