Zuma sê parlement-geweld is apartheid se skuld

EFF-lede word uit die parlement verwyder (17 Mei 2016) Foto: Skermskoot uit SABC Digital News-video op YouTube

EFF-lede word uit die parlement verwyder (17 Mei 2016) Foto: Skermskoot uit SABC Digital News-video op YouTube

Pres. Jacob Zuma het gesê die gedrag van die opposisiepartye se politici is die “produk van ʼn baie gewelddadige samelewing” wat spruit uit die apartheidstelsel.

Dit volg nadat Julius Malema, leier van die EFF, onderneem het om “met alles wat hulle het terug te baklei” ná ʼn onderonsie tussen sy party se LP’s en lede van die parlementêre veiligheidsdiens.

Zuma het, kort nadat EFF-LP’s fisies uit die Nasionale Vergadering verwyder is, gesê die gewelddadige betogings wat die land beleef gebeur nie omdat die regering die mense ignoreer nie, maar omdat daar ʼn “kultuur van geweld” in Suid-Afrika bestaan. Hy het gesê die EFF se optrede is ʼn voorbeeld van dié kultuur waarvan die samelewing deurtrek is.

“Ons kom uit ʼn gewelddadige stelsel genaamd apartheid, en mense het geweld ontwikkel om dit te bestry en ons het nooit daardie kwessie aangeroer om te sê ons is nou in ʼn ander situasie nie, so as mense iets sien, dan gebruik hulle geweld,” het Zuma gesê.

“Dit is waarom mense dink dit is wat hulle moet doen – geen respek nie, om vingers te wys na die Speaker en een ná die ander op te staan – dit sê vir jou mens het te doen met mense wat ʼn produk is van ʼn baie gewelddadige samelewing wat hulp nodig het.”

Terwyl die president ʼn beroep gedoen het op partye om “saam te kom” om die “gewelddadige gedagtes” in die samelewing te hanteer, het Julius Malema, ondersteun deur swaargewigte in sy party, belowe dat Zuma nooit weer vrede in die parlement sal hê nie. “Ons kan nie deur ʼn man gelei word wat versuim het om die Grondwet te onderhou en te beskerm nie,” het hy gesê.

Malema het ook sy LP’s verdedig nadat hulle terugbaklei het toe hulle uit die Kamer verwyder is. “Hierdie uitsmyters moet weet as hulle geweld gaan uitdeel, gaan ons met geweld reageer.”

EFF-LP’s het waterbottels na die veiligheidsbeamptes gegooi nadat Speaker Baleka Mbete hulle aangesê het om die Nasionale Vergadering te verlaat en die veiligheidsdienste hulle fisies moes verwyder. Malema het gesê hulle belofte om “terug te baklei” sal nie by waterbottels stop nie. “Enige wapen wat ons in die hande kry sal ons gebruik om mee te baklei. Ons gaan terugbaklei met alles wat ons het.”

Die EFF-LP’s is outomaties vyf dae lank uit die parlementêre distrik geskors.

Die ANC het die parlement versoek om strafregtelike aanklagte aanhangig te maak teen die EFF-leiers wat met die parlement se veiligheidsbeamptes baklei en die wetgewer se eiendom beskadig het.

Lees meer: [Video] Vuiste klap toe ‘withemde’ EFF verwyder

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

75 Kommentare

jongste oudste gewildste
Grap

Dit is so net soos Zuma die laagste geskoolde staatsleier in die wêreld is met sy gr 2 en dit moet die skuld kry vir sy belaglike uitsprake wanneer sy mond oopgaan.

Kosie

Kan nie glo dat hy nou apartheid gebruik om hom self te beskerm en te regverdig nie

dries

And the onorabbel don’t think that his own leadership has got anything to do with it. Actually he then approve of such behaviour…

Anoniem

Indien dit aan apartheid grens was dit blankes vs nie-blankes, MAAR dit is nie-blankes vs nie-blankes. Hul eie mense word aangeval. Haal die skille van jou oë af die President.

Willie

Iemand wat:
939 million 3000 and 60000
Ja Right…. goeie een nommer een, 1000, en 20 en 5