Sanger skiet drie, pleeg selfmoord

Zirk Bergh

Zirk Bergh

Die sanger Zirk Bergh het Saterdag twee mense in Potchefstroom doodgeskiet en sy eksvrou beseer voordat hy selfmoord gepleeg het.

“Die man het ‘n afspraak gehad om sy agtjarige dogtertjie by die maatskaplike werker se kantoor te ontmoet,” het kapt. Pelonomi Makau, woordvoerder van die polisie in Noordwes, gesê. Toe die eksvrou, haar huidige man en die dogter omstreeks 08:00 opgedaag het, het die man ‘n vuurwapen te voorskyn gebring en sy dogter aangesê om by die kantoor in te hardloop. “’n Vriendin van die maatskaplike werker was tuis toe sy die geweerskote gehoor het.”

Die vriendin het uit die huis uit gehardloop en Bergh en die maatskaplike werker het langs die pad dood gelê. Die eksvrou en haar man het altwee kopbeserings opgedoen.

Makau sê die vrou was in ‘n kritieke toestand. Haar man het in die hospitaal aan sy beserings beswyk.

Die Suid-Afrikaanse Vroue Federasie (SAVF) het gesê hy betreur die afsterwe van een van sy “gewaardeerde” maatskaplike werkers.

Die kinders is nie in die voorval beseer nie.

Steve Hofmeyr het op Twitter geskryf: “Baie jammer. Hy was n verstommende gas op Dis Hoe Dit Is.” Talle ander bekendes het ook op Twitter hul medelye uitgespreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

83 Kommentare

jongste oudste gewildste
Adriana Stuijt

Knowing the SAPS’ fondness for declaring themselves Inquest Court Judgings by prejudging such incidents – declaring publicly to the news media that these were ‘family murders’ and ‘suicides’, I would prefer to wait for the inquest court findings before publishing this as a foregone conclusion. It’s not up to the SAPS to declare ‘suicides’ and ‘family murders’. It’s up to the Inquest court after a diligent investigation which also includes the usual crime-scene investigations. In the past three months alone, there were a whopping NINE incidents were the SAPS had blatantly told the news media that specific people ‘found dead’… Lees meer »

Jen

Dit is hartseer. Hy het ons altyd so lekker laat lag. RIP Zirk

wilna

Enige inligting oor die mamma in die skiet drama en die arme dogtertjie ?

Cobus Fourie

baie jammer en hartseer om ‘n groot vriend te verloor. Adriana Stuijt dankie vir u kommentaar.

Francois Visagie

Ja dit is n tragedie wat gebeur het en net so voor Kersfees.Wat se swaar tyd lê voor vir die families wat deur die tragedi geraak is.Maar wat my nou opval is mense wat nou vir Zirk boodskappe stuur oor Facebook hoe hul hom gaan mis en dat hy in vrede moet rus.Hy het mense se lewens geneem wat onskuldig was.So in my oe is hy n Lafhard gewees om so iets te doen. Jy mag nie n ander mens se lewe neem nie,dit is wat die Here vir ons sê in die woord.En so ook nie jou eie nie.So… Lees meer »