Sikloon gaan Indië tref – honderde duisende vlug

Phailin kan duidelik in die Baai van Bengale gesien word

Phailin kan duidelik in die Baai van Bengale gesien word

Die sikloon Phailin wat die helfte so groot soos Indië self is, en volgens kenners so kragtig is soos Katrina wat in 2005 dood en verwoesting in die suide van die VSA veroorsaak het, sal die subkontinent na verwagting Saterdag tref. New Orleans is byna geheel verwoes.

Phailin, die Thaise woord vir saffier, word as ‘n atmosferiese monster en ‘n supersikloon beskryf.

Honderde duisende mense in laagliggende dele het reeds na hoërliggende gebiede gevlug nadat die owerhede grootskaalse oorstromings voorspel het.

Phailin lê nou minder as 600 kilometer van die kus oor die Golf van Bengale.

Windsnelhede van meer as 200 kilometer per uur word voorspel.

Sowat 5 000 gesinne het reeds hul intrek in spesiale skuilkelders geneem, maar dié getal moet voor die storm toeslaan tot ‘n 100 000 mense styg.

Indië verwag dat die sikloon groot skade aan oeste en selfs geboue gaan aanrig, en dat elektristeits- en waterverbindings, asook spoorverbindings ontwrig sal word.

Phailin is nie behoorlik voorspel nie weens die afwesigheid van ‘n funksionele waarskuwingstelsel in die area, en die omvang is eers besef toe dit pas skielik baie begin intensiveer het.

 

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.