Skokvideo: Mans rand ouma wreed aan wat glo steel

Die video volg onderaan die berig.

ʼn Bejaarde vrou wat van winkeldiefstal verdink word, is wreed deur ʼn groep mans met ʼn hamer, gordel, toue en selfs ʼn besemstok geslaan.

Die Daily Sun het ʼn agt minutelange selfoonvideo van die aanval bekom en op YouTube gelaai. Die koerant het Dinsdag berig die mans, wat die vrou aangeval het, is veiligheidswagte.

Dit is in die stadium nie bekend in watter winkel die aanval plaasgevind het nie, dit is wel bekend dat die voorval in ʼn winkel in Jane Furse in Limpopo plaasgevind het. Die video wys hoe die vrou verskeie kere geslaan, geskop en ook verwurg word. Die wagte het haar ook op haar geslagsdele geslaan.

Die vrou, wie se identiteit nie bekend is nie, is glo daarvan beskuldig dat sy ʼn pakkie onderklere gesteel het. Die mense in die video praat almal sePedi. Die slagoffer beweer sy het vir die ‘gesteelde’ items betaal en smeek om haar lewe.

Al vyf persone is intussen verlede week in hegtenis geneem. Twee van die vyf mense wat van die aanranding op ‘n vrou aangekla word en die voorval afgeneem het, is Dinsdag op borgtog in die Nebo-landdroshof vrygelaat. Klik hier om meer te lees.

WAARSKUWING: Die video is grafies van aard en kan sensitiewe lesers ontstel.

http://youtu.be/05cM69jfvTM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
SANETTE HENNING

Wie gee hul die reg om reg in eie hande te neem. Dit is mos net n oproep en plisie arresteer haar, maar nee geweld is mos die antwoord vir alles. Suid Afrika is siek !!!!!!!!!!!!

Bea

Hierdie soort aksie of sal mens se reaksie moet stop. Hulle neem die gereg in hulle eie hande waar en wanneer hulle lus voel. Dan nog ‘n video daarvan te publiseer wys hoe onnosel hulle is.

Ek voel jammer vir die ou dame wat so mishandel is en ek hoop van harte die misdadigers sal vervolg word!

Hennie Breed

Wat n nasie ,geen gevoel,die totale Afrika. Kyk wat doen ons polisie .Daar is geen hoop nie.

annie

Oerdiere…! Arme vrou

Tante Afrikana

Dis siek siek siek siek !!!!!!!!!!!!!!!!!!!!!!!!Al het sy gesteel, is die nie nodig om haar so te verinneweer nie, daar is ander maniere om so ‘n saak te hanteer. Arme ou vrou, so VERNEDER……..