Skote klap in Soweto: slagoffer was glo ʼn taxibaas

Argieffoto

Argieffoto

ʼn 51-jarige man is Dinsdagoggend in Zondi, Soweto, in die oprit van sy vriend se huis met onder andere ʼn aanvalsgeweer doodgeskiet.

Ao. Kay Makhubela, ʼn Gautengse polisiewoordvoerder, het gesê die slagoffer is deur twee verdagtes aangeval. “Een patroon van ʼn R5-aanvalsgeweer, en tien R5-patroondoppies is op die toneel gevind,” het Makhubela gesê. Sy sê daar was ook nege 9mm-patroondoppies op die toneel.

Die slagoffer was vermoedelik ʼn taxibaas. Die motief vir die moord is nog nie bekend nie. Die polisie ondersoek die voorval. – SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae