Twee rowers in KZN vasgetrek ná skietgeveg met polisie

Twee mans is Maandagmiddag in Durban in hegtenis geneem op aanklagte van huisroof en poging tot moord.

Kapt. Thulani Zwane, ‘n polisiewoordvoerder, het Dinsdag gesê ‘n buurman het gesien hoe twee verdagtes by ‘n huis in Phoenix inbreek. “Die buurman het die polisie ontbied. Met die polisie se aankoms het die rowers probeer vlug. ‘n Oor-en-weer-skietery het ontstaan waartydens een van die rowers geskiet en gewond is,” het Zwane gesê.

Albei verdagtes is in hegtenis geneem. Die polisie het beslag gelê op ‘n vuurwapen en ammunisie. Die mans moet binnekort in die Phoenix-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae