Video: Griekse dorp weer deur sterk aardbewing geskud

aardbewing griekeland skadeDie video volg onderaan die berig

Die Griekse dorp Lixourion op die eiland Kefalonia (Caphalonia) is vanoggend die tweede keer in net meer as ‘n week deur ‘n sterk aardskudding van 6,1 op die momentmagnitudeskaal geskud. Volgens die jongste beskikbare inligting is die grootste deel van die eiland sonder water en elektrisiteit terwyl verskeie berigte van beserings ontvang is.

Die huidige skudding is deur ‘n sterk skudding van M 5 voorafgegaan. Die afgelope week is nog verskeie aardbewings geregistreer wat as naskokke van die vorige grote beskryf kan word.

Na die vorige skudding is verskeie geboue, waaronder die hospitaal beskadig sodat dit ontruim moes word. Talle geboue is verder beskadig deur die sterk naskokke. Die owerhede het ook die skole gesluit tot vasgestel kon word dat die geboue nie gevaarlike strukturele skade gely het nie.

Bronne: USGS, Earthquake Report.com

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae