’n Suid-Afrikaanse gebore vrou wat in Amerika woon en haar linkerbeen weens ’n seldsame kanker verloor het, het die afgelope Donderdag ’n nie-amptelike wêreldrekord opgestel deur 102 marathons in 102 dae te hardloop.
Dit lyk egter nie of Jacky Hunt-Broersma se gô sommer uithang nie aangesien sy nóg twee marathons sou hol sodat sy teen Saterdag 104 marathons voltooi het.
Sy sou dan meer as 4 400 km in net meer as drie maande afgelê het en meer as $27 000 (sowat R426 000) ten bate van mede-lemlopers wat duur prostese benodig, ingesamel het.
Hunt-Broersma se oorspronklike doelwit was om 100 marathons in 100 dae te hardloop sodat sy die rekord van 95 wat in 2020 deur Alyssa Amos Clark, ’n nie-gestremde hardloper van Bennington in Vermont opgestel is, kon klop.
Toe verbeter die nie-gestremde Britse hardloper Kate Jayden vroeër vandeesmaand Clark se rekord met 101 marathons in 101 dae. Hunt-Broersma het net daar en dan besef sy sal minstens 102 marathonne moet hardloop.
En dis presies wat sy gedoen het.
Die 49-jarige Hunt-Broersma het haar eerste marathon (42,4 kilometer) met behulp van ’n prostetiese been op 17 Januarie voltooi waarna nóg 101 marathons op ’n baan naby haar huis in Gilbert in die Amerikaanse deelstaat Arizona en binnenshuis op die trapmeul gevolg het.
“Ek is net bly dat ek dit gemaak het – ek kan dit nie glo nie,” het Hunt-Broersma ná haar 102de marathon te sê gehad.
“Die beste ding was die ongelooflike ondersteuning wat ek ontvang het van mense reg oor die wêreld wat uitgereik het en my vertel het hoe dit hulle geïnspireer het om meer druk op hulself te plaas.”
Starting Monday I will be running a Marathon a day for 100 days, total of 2620 miles. Current record is 95 days. Yes totally crazy but I don't do small goals????. We are always capable of more. More details on my IG pagehttps://t.co/upBJQumppN
#SaturdayMotivation pic.twitter.com/nN9u3MEDXu— Jacky Hunt-Broersma (@NCrunnerjacky) January 15, 2022
I did it. A new female world record????. 102 Marathons in 102 consecutive days???????? #icandohardthings pic.twitter.com/HeKLMQh23L
— Jacky Hunt-Broersma (@NCrunnerjacky) April 28, 2022
Bronne: CBC, Fox26 Houston, US News
‘n Goeie advertensie vir die prostese, daai goed word sterk gebou. Sy moes eintlik die vervaardiger daarvan as borg aan boord gekry het.