’n Leerder aan ’n hoërskool in Rusland het Donderdag met ’n jaggeweer op medestudente losgebrand voordat hy die vuurwapen op homself gerig het. Een leerder is gedurende die voorval doodgeskiet en drie ander gewond.
Volgens Rusland se staatsondersoekkomitee het die leerder (19) die vuurwapen na ʼn skool in Blagoveshchensk, naby die grens met China, gebring waar die voorval plaasgevind het. Die skieter het homself kort ná die polisie se aankoms op die toneel om die lewe gebring.
Die skool is intussen ontruim en alle klasse is opgeskort.
Een van die beseerde leerders se toestand is tans kritiek. Die ander twee word in ʼn plaaslike hospitaal behandel.
Dit is nie duidelik wat tot die skietery aanleiding gegee het nie. Hoewel skietvoorvalle in Russiese skole skaars is, was daar wel oor die afgelope paar jaar verskeie gewelddadige aanvalle deur studente.
Hoekom moet almal altyd die Amerikaners na-aap.
Te veel Amerikaanse TV
….oral op die planeet is n tekort aan vader-figure….maar dis hoe die Nuwe Wêreld Orde dit verkies.
drugs…dink vir jouself
sien !!!
verwyder vuurwapens uit die hande van die burgery .