Die wêreld in foto’s – 13 Januarie 2020

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Jianyun Jin van China, en sy medebestuurder en landgenoot, Wenke Ma, jaag hul Buggy tydens fase agt van die Dakar-tydren in Wadi Al Dawasir, Saoedi-Arabië. (Foto: Bernat Armangue, AP)

Motoriste ry deur digte mis in ’n woud in die Taunus-streek naby Frankfurt, Duitsland. (Foto: Michael Probst, AP)

Inwoners van Tagaytay, Cavite-provinsie in die Filippyne, loop deur ’n wolk van as. ʼn Vulkaan dreig al die afgelope twee dae om in die gebied uit te bars. (Foto: Aaron Favila, AP)

’n Groep vroue poseer vir ’n selfie tydens ’n mondigwordingseremonie by Disneyland in Tokio. (Foto: Jae C. Hong, AP)

Amerikaanse soldate loop deur die Ain al-Asad-lugmagbasis in Anbar, Irak. Die lugmagbasis is Woensdag deur Iranse missiele getref in weerwraak vir die Amerikaanse lugaanval waarin die Iranse bevelvoerder, genl. Kassem Soleimani, gesterf het. (Foto: Qassim Abdul-Zahra, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae