Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Sedert die uitbreking van Covid-19 het lande wêreldwyd sosiale distansiëring aangemoedig of algehele landwye afsonderingstydperke ingestel. Gevolglik moes talle hul Paasfeesplanne prysgee, maar nietemin is daar enkeles wat die Paasfeesgees hoog hou.
ʼn Sjokolade Paashaas met ʼn gesigsmasker word in ʼn winkel vertoon in Lykovrisi, Athene. (Foto: Thanassis Stavrakis, AP)
Minstens 25 000 hout-Paaseiers word by hospitale, federale agentskappe, hulpgroepe en kruidenierswinkels in Washington afgelewer ter herdenking van die Withuis se jaarlikse Paaseier-soektog wat gekanselleer is weens die Covid-19-pandemie. (Foto: Evan Vucci, AP)
ʼn Vrou in ʼn Paashaas-uitrusting waai vir motoriste op Wyominglaan in Pennsylvania, VSA. (Foto: Kristen Mullen/The Citizens’ Voice, AP)
ʼn Paashaas met ʼn gesigsmasker sit in Ernst Langert se Paasfees-skuur in Hellingen, Duitsland. Ondanks die Covid-19-pandemie het die Langert-familie steeds hulle skuur met meer as 30 000 Paaseiers en 500 Paashase versier. (Foto: Jens Meyer, AP)
ʼn Kitskoswerker dra ʼn gesigsmasker en Paashaas-ore by ʼn Chick-fil-A-restaurant in Dallas, Texas. (Foto: LM Otero, AP)
So jammer die meeste mense vergeet wat die ware betekenis van Paasfees is!