Frankryk verleng ‘Covid-19-pas’ ondanks betogings

(Foto: STEPHANE DE SAKUTIN/AFP)

Frankryk het Maandag begin om ’n sogenaamde Covid-19-pas af te dwing in kafees, restaurante en treine te midde van voortslepende betogings.

Frankryk hoop om met die Covid-19-pas mense aan te moedig om teen Covid-19 ingeënt te word. Nagenoeg ’n kwartmiljoen mense het egter Saterdag landwyd bymekaargekom teen die verlenging van die pas.

Die pas word met ’n QR-kode gegenereer wanneer ’n persoon volledig ingeënt is, of deur ’n onlangse negatiewe virustoets of na herstel van Covid-19.

Emmanuel Macron, president van Frankryk, hoop dit sal daartoe lei dat die land se inentingsprogram momentum optel. Meer as 55% van Frankryk se bevolking is reeds volledig ingeënt.

Macron het in ’n onderhoud met die Paris Match geen geheim van sy frustrasie met die betogers gemaak nie. Hy het hulle beskryf as “enkele tienduisende burgers wat in so ’n mate hul sinne verloor het dat hulle sê dat hulle in ’n diktatuur leef”.

Die aantal hospitaalopnames weens Covid-19 in Frankryk is nog ver van die vorige hoogtepunte, maar volgens die regering is die land in ’n vierde golf van die virus.

Onlangse peilings toon dat ’n duidelike meerderheid van Franse die pas ondersteun, selfs die uitbreiding daarvan om kafees en restaurante te besoek.

Die pas word reeds sedert 21 Julie benodig om plekke soos teaters, rolprentteaters en museums te besoek. Die verlenging daarvan is Donderdag deur die Franse Konstitusionele Raad goedgekeur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

40 Kommentare

jongste oudste gewildste
Trotse Boervrou

Die enigste mense wat hul sinne verloor het is Macron en sy volgelinge. Kom ons kyk hoe dwing hul hierdie af in Suid-Afrika waar baie mense, en let wel, alle rasse, hul reg uitoefen om nie proefkonyne te wees nie.

Joe Olivier

Wat sê die bleeding heart liberals? Daar is mos nou geen verskil tussen die pas en die pas wat destyds in SA gedra was nie. Dit onderskei mense van mekaar op sekere gronde.

Kleinboet

‘n Paar dinge is wêreldwyd duidelik:

1. Dat die publiek nie oortuig is deur die beloofde effek vd (eksperimentele!) entstof nie, en dus betoog omdat hulle opinie nie gerespekteer word deur hul leiers nie.

2. Dat politici hul eie denke op volkere wil af-forseer, met gevolglike opstande/teenstand.

3. Dat liberale regerings (VSA, Frankryk, Kanada, ens.) die eerstes is om mensregte (wat deur liberale regerings ingestel is/voorgehou word!) te skend, deur ‘n verbod (of meer) op basiese regte te plaas.

Enkeling

Die Franse betoog te ordentlik, dis hoekom niemand luister nie. As jy gehoor wil word, maak soos by ons en keer die wêreld onderstebo.

piet

Jy’s oukei as jy volledig ingeent is, of herstel het van Covid, of as jy negatief toets. Sien niks fout daarmee nie. So as jy nou ‘n anti-vax Jantjie is wat nog nie Covid gehad het nie, moet jy net gaan vir ‘n toets wat negatief moet wees. Baie billik in my opinie.