Agt kinders en een volwassene is dood nadat hulle seeskilpadvleis geëet het op Pemba-eiland, deel van die Zanzibar-eilandgroep. Die sterftes is verlede week aangeteken.
Volgens owerhede is ʼn verdere 78 mense in ʼn hospitaal opgeneem.
Dr. Haji Bakari, mediese beampte van die Mkoani-distrik, het gesê die volwassene wat gesterf het, is een van die kinders wat omgekom het se ma.
Die eerste voorval is verlede Dinsdag by die owerhede aangemeld.
Die vleis word as ʼn lekkerny in Zanzibar beskou. Dit bevat egter ʼn toksiese middel wat van tyd tot tyd sterftes kan veroorsaak.
Toetse wat na afloop van die sterftes in ʼn mediese laboratorium gedoen is, het daarop gedui dat die vleis die oorsaak van die slagoffers se dood was.
Owerhede in Zanzibar het ʼn rampbestuurspan na die streek gestuur om mense teen die inname van dié reptiele te waarsku.
Dit is onduidelik watter spesie seeskilpad tot die sterftes gelei het.
In November 2021 is sewe mense, insluitend ʼn driejarige kind, óók op Pemba dood nadat hulle skilpadvleis geëet het, terwyl drie ander in die hospitaal opgeneem is.
Bronne: Sky News en New York Post.
Sjoe! Dis tragies!
Hoe skaarser kos raak en mense meer hoe meer tragedies gaan plaasvind
Dit is tragies, maar ai die see skilpasie is ‘n bedreigde spesie en hulle word meedoënloos uitgeroei, ook baie ander skaars wilde diere, in daaidie derl van Afrika, die monde wat gevoed moet word raak te veel, en die arme diere moet dit ontgeld
@Christine, niks met te kort aan kos te doen nie. Die seeskilpaaie word dood gemaak om as lekkerny te dien.
Ons eet hier enige iets van bok, kameelperd, krokodil, zebra, slang, skerpioen, enige iets. Vir India lyk die westerse wereld vreeslik wreed, en vir ons die asia lande. Die is n vleis wat baie geniet word in Zanzibar, meestal lodges sal dit bied ook.
‘Ons’ sê jy, eet hier enige iets, soos krokodille, slange en skerpioene, sê jy. Wie is daardie ‘ons’?
Sjoe, die swak Afrikaans wat party mense besig… En dis nie vingerfoute nie, dié gebeur met enigeen. Ek praat van SWAK Afrikaans
Sal mense leer om nie alles te eet nie.
Te veel mense, te min kos. Te veel luies wat van staat afhanklik is.