LA-lughawe hervat vlugte ná bewerings oor skieter

Verkeersknope by Los Angeles Internasionale Lughawe ná bewerings oor 'n skieter (Foto: AP Photo/Ringo H.W. Chiu)

Verkeersknope by Los Angeles Internasionale Lughawe ná bewerings oor ‘n skieter (Foto: AP Photo/Ringo H.W. Chiu)

Bedrywighede by die Los Angeles Internasionale Lughawe het weer hervat ná valse berigte oor ʼn skieter wat tot paniekerige ontruimings gelei het.

Nancy Castles, woordvoerder van die lughawe, het gesê minstens 280 vlugte is deur die voorval vertraag, insluitend 120 aankomsvlugte en 161 vertrekvlugte. Minstens 27 vlugte is na ander lughawens herlei en twee vlugte is gekanselleer.

Castles het gesê die verkeer het op die boonste vertrekvlak glad gevloei tydens spitsverkeer, maar daar is ʼn verkeersopeenhoping op die onderste aankomsvlak.

Andy Neiman, woordvoerder van die polisie, het gesê ʼn soektog Sondagaand deur die eindpuntgebou het geen bewyse opgelewer van ʼn skieter of skote wat gevuur is nie. Harde geluide het tot die bewerings gelei en die polisie ondersoek steeds die oorsaak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.