Sir Sterling Moss (Foto: Mario Andretti/Twitter)
Die Britse motorwedren-legende Sir Stirling Moss, wat beskou word as die beste bestuurder wat nooit ʼn F1-titel ingepalm het nie, is in die ouderdom van 90 oorlede.
“Dit was een rondte te veel, hy het net sy oë toegemaak,” het sy vrou, Lady Moss, Sondag aan plaaslike media gesê.
Moss is ná ʼn lang siekbed oorlede.
Huldeblyke het oor die wêreld heen ingestroom, en veral uit motorsportkringe. Jean Todt, FIA-president, het dit “ʼn baie hartseer dag” genoem. “Hy was ʼn ware legende in motorsport en sal vir altyd een bly.”
Huidige wêreldkampioen Lewis Hamilton het ook sy meegevoel betuig. “Vandag groet ons Sir Stirling Moss, ʼn wedrenlegende. Ek gaan beslis ons gesprekke mis. Ek is baie dankbaar dat ek dié spesiale oomblikke met hom kon deel.”
Moss word beskou as een van die beste motorwedrenjaers in die geskiedenis van motorsport en tydens die beginjare van Formule Een, alhoewel hy nooit ʼn wêreldtitel ontvang het nie. Hy was van 1955 tot 1958 agtereenvolgend die naaswenner en drie keer het hy in die derde plek geëindig. Hy het 16 van die 66 F1-wedrenne gewen toe hy tussen 1951 en 1961 deelgeneem het.
Sy professionele loopbaan het in 1962 tot ʼn einde gekom ná ʼn ongeluk met sy Lotus by Goodwood in die suide van Engeland. Hy was vir ʼn maand lank in ʼn koma en vir ses maande lank gedeeltelik verlam. Hy het daarna ʼn eiendomsmaatskappy saam met sy familie bedryf en tot 81-jarige ouderdom in veteraanmotors gejaag.
Hy word oorleef deur sy derde vrou Susie en twee kinders.
Today, the sporting world lost not only a true icon and a legend, but a gentleman. The Team and the Mercedes Motorsport family have lost a dear friend. Sir Stirling, we’ll miss you. pic.twitter.com/XEsDf68A7r
— Mercedes-AMG F1 (@MercedesAMGF1) April 12, 2020
Piero Ferrari ???? “Stirling Moss symbolised motor sport. He was a true personality who left an indelible impression on the history of racing…” https://t.co/SYMDds0TiT pic.twitter.com/yRXWJpPvJc
— Scuderia Ferrari (@ScuderiaFerrari) April 12, 2020
All at McLaren mourn the passing of a legend of our sport, Sir Stirling Moss. A prodigious competitor, supremely talented racer, and consummate gentleman, he leaves an indelible mark of greatness on the history of international motorsport. Our condolences to his family. pic.twitter.com/c3vdzTuFgN
— McLaren (@McLarenF1) April 12, 2020
Today we say goodbye to Sir Stirling Moss, the racing legend. I certainly will miss our conversations. I am truly grateful to have had these special moments with him. Sending my prayers and thoughts to his family. May he rest in peace???????? pic.twitter.com/SDUAqxENHk
— Lewis Hamilton (@LewisHamilton) April 12, 2020
Wonderful Sir Stirling Moss. RIP pic.twitter.com/c3gio1L8gC
— Mario Andretti (@MarioAndretti) April 12, 2020
En wat ń legende. Die wereld van motor sport gaan hom baie mis. Ek twyfel of daar ooit iemand soos hy ooit weer kan ry. Mag sy familie vrede hê.