Robert Mugabe het bedank

Robert Mugabe. Foto: ANA

Robert Mugabe het bedank as president van Zimbabwe.

Maroela Media het vroeër berig Zimbabwe se parlement het Dinsdag met die proses begin om Mugabe in ʼn staat van beskuldiging te plaas.

Jacob Mudenda, die speaker in Zimbabwe se parlement, het pas dié nuus van sy bedanking bekend gemaak.

Mudenda het vroeër gesê ʼn mosie om Mugabe in ‘n staat van beskuldiging te plaas is ontvang en dat die parlement se verrigtinge na die Internasionale Kovensiesentrum in Harare verskuif is om ʼn gesamentlike sitting te huisves. Die parlement is te klein om lede van die nasionale vergadering en die senaat te huisves.

Duisende mense het ook vroeër buite die parlement betoog en geëis dat Mugabe bedank.

Die parlementêre sitting kom nadat Mugabe nie gehoor gegee het aan Maandagmiddag se spertyd om te bedank nie. Mugabe en sy vrou, Grace, is Sondag van hul pligte in Zanu-PF, die regerende party in Zimbabwe, onthef.

Mugabe het nie Sondagaand soos verwag as president van dié land bedank tydens ʼn regstreekse uitsending op die openbare uitsaaier ZBC nie.

Hou Maroela Media dop vir meer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Chrisjan

Hoera vir Zim!Nou om Zuma uit te skop!

Adam

One down, one to go!!!

Jan Nel

Geluk Maroela, julle bring goeie nuus voor julle mededingers (News24) kon.

Andrea

Só kom alles ten einde.

Bekommerd

Dankie tog…..one too go