Die Meer van Gennesaret/Tiberias, ook algemeen bekend as die See van Galilea, is ná jare weer vol danksy swaar reën in die gebied, het beamptes in Israel Vrydag gesê.
Die meer se vlak is tans op 208,9 m onder seevlak, net 10 cm laer as ʼn vorige rekordhoogte. Die streek het in 2017 onder erge droogte gebuk gegaan en die vlak was in daardie stadium 214 m onder seevlak.
Die Meer van Gennesaret is die laagste varswatermeer en die tweede laagste meer ter wêreld. Dit is ook Israel se belangrikste bron van water.
Pelgrims besoek graag die meer wat ʼn prominente rol speel in die Bybel. Jesus het verskeie wonderwerke hier uitgevoer, waaronder om op water te loop en ʼn skare te voed met slegs vyf brode en twee visse.
Kosbaar om die meer te kan sien waar Jesus gewandel en ook wonderwerke gedoen het!
Wys net Jesus kyk na alles. Ons hoef oor niks bekommerd te wees nie
Interessant om te weet is dat die Dooie See wat suid van die See van Galilea geleë is,die laagste punt op aarde is.
Dankie Here…dit is so mooi daar
Ons is geseënd om daar te kon wees. Die Petrusvis geëet en toe op ‘n bootvaart op die see gegaan. Onbeskryflik watse emosionele belewenis dit was. Net die gedagte dat dit was waar Jesus in lewende lywe met mense omgegaan het. Dit was asof daar ‘iets’ in die lug was.
Sowaar.. Dit was ook vir my ń fantasies spirituele ervaring