Sewol-ramp: Veerbootkaptein sit lank

Foto: Suid-Koreaanse Kuswag

Foto: Suid-Koreaanse Kuswag

Die kaptein van die Suid-Koreaanse veerboot, die Sewol, is tot 36 jaar gevangenisstraf gevonnis.

Meer as 300 mense het in die ramp omgekom toe die Sewol op 16 April omgeslaan het. Die boot was oorlaai. Nege mense word steeds vermis. Die soektog is afgelas omdat omstandighede te gevaarlik vir die duikers geword het. Net 172 van die 476 passasiers kon gered word.

Die aanklaers wou die kaptein, Lee Joon-seok, aan moord skuldig laat bevind en het op die doodstraf aangedring, maar hy is aan ernstige nalatigheid skuldig bevind.

Bronne: ANP, The Guardian.

Klik hier om vorige berigte oor die voorval te lees.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae