Vermiste ‘rower’ in krokodil se maag gevind

Matthew Riggins. Foto: Facebook via Brevard County-polisiestasie

Matthew Riggins. Foto: Facebook via Brevard County-polisiestasie

Die soektog na ʼn vermeende rower in die VSA het op ʼn verbysterende wyse tot ʼn einde gekom toe sy oorskot in die maag van ʼn krokodil gevind is.

Die Brevard County-polisiestasie in Florida het in ʼn verklaring gesê Matthew Riggins het die aand van 12 November vermis geraak nadat hy vir sy vriendin gesê het dat hy saam met ʼn vriend ʼn paar huise in Barefoot Bay gaan beroof en nooit weer teruggekeer het nie.

Die polisie is dieselfde aand deur inwoners van Barefoot Bay ontbied nadat hulle twee mans, wat heeltemal in swart geklee was, tussen die huise in die area sien rondloop het. Toe die mans die polisie gewaar, het hulle op die vlug geslaan. Die polisie het die area gefynkam, maar kon die verdagtes nie vastrek nie.

Dit het later aan die lig gekom dat Riggins sy vriendin kort daarna gebel het en gesê het dat die polisie op hul spoor is. Hy is later die dag as ʼn vermiste persoon by die polisie aangemeld.

Riggins se liggaam is op 23 November in ʼn meer in die omgewing gevind. ʼn Aggressiewe krokodil van meer as 3 m lank is naby die lyk gevind en het die polisie verhoed om naby die liggaam te kom. Die krokodil moes noodgedwonge gevang en van kant gemaak word. Tydens ʼn forensiese ondersoek op die krokodil is gedeeltes van Riggins se oorskot in sy maag gevind.

Die polisieondersoek duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Eliza-beth

Nou-ja… dis hoe karma werk

MM

En toe vang die waterponie hom!

Antoinette

Janee ek stem saam!

Pierre Brink

Dit was ‘n alligator nie ‘n krokodil nie. Stem saam met Eliza-beth, karma.

ANDRE

Seker iewers vis gesteel toe vang mabalel hom.