Die voormalige Franse president Jacques Chirac is Donderdag in die ouderdom van 86 oorlede.
Hy was 12 jaar lank (1995 – 2007) die president van Frankryk en byna twee dekades die burgemeester van Parys.
Sy afsterwe is in Frankryk se Nasionale Vergadering aangekondig en lede het ʼn minuut lank stilte gehou. Die Eiffeltoring in Parys sal Donderdagaand in donkerte gehul wees tot sy nagedagtenis.
Chirac is “vreedsaam, tussen sy geliefdes oorlede”, het sy skoonseun Frederic Salat-Baroux aan die Associated Press gesê. Hy het nie die oorsaak van sy dood bekend gemaak nie, maar Chirac sukkel al sedert 2007 met sy gesondheid.
Polisiebeamptes het versperrings om sy huis in Parys aangebring waar burgers en politici saamgedrom het.
Chirac word oorleef deur sy vrou en dogter Claude. Sy dogter Laurence is in 2016 ná ʼn lang siekbed oorlede.
Sterkte aan sy familie en vriende.