ʼn Ma van Florida in Amerika sal twee keer geboorte gee aan dieselfde baba. Dít nadat dokters haar babaseun onlangs per keisersnee uitgehaal het om ʼn spinale defek reg te stel, en die baba toe weer teruggesit het om later (weer) gebore te word.
Jaiden Ashlea, ʼn mode-en-skoonheidskenner, was 19 weke swanger toe haar ongebore kind met spina bifida gediagnoseer is. Sy en haar verloofde is aanvanklik meegedeel dokters kan niks vir hul seun doen nie. Hulle het egter ʼn tweede mening gekry en ʼn mediese span in Orlando, wat spesialiseer in operasies op fetusse voor geboorte, genader om op hul kind te opereer.
Die mediese span het Jaiden die afgelope week geopereer en die baba uitgehaal, die defek aan sy neurale buis in die rugstring herstel, en hom weer teruggeplaas om nog 11 weke in die baarmoeder deur te bring.
In ʼn video wat die 23-jarige sosialemedia-vlinder op TikTok gedeel het, vertel sy vanuit haar hospitaalbed hoe die prosedure gewerk het. Volgens die inskrywing het dokters die vrugwater met ʼn soutoplossing vervang. “Ek kan dalk vroeër begin kraam of sametrekkings kry, so dokters sal my die volgende twee weke baie fyn dophou,” lui die inskrywing.
Wow
Ongelooflik.
Liewe ouers!
Merkwaardig! Ek bid dat die hele proses baie suksesvol sal wees en dat daardie babatjie perdfris gebore sal word.
Wonderlik wat die mediese wetenskap kan doen! Baie bly vir die babatjie, hoop hy het n normale gesonde lewe.
Ek is sprakeloos
Absoluut merkwaardig en vandag se tegnologie is verbysterend. Wys net hoe belangrik kan ‘n tweede opinie wees.
Wonderlik