Werk kwyt ná sy vir Trump die vinger wys

Briskman het die foto intussen haar profielfoto op Facebook en Twitter gemaak.

ʼn Vrou van Virginia in die VSA is haar werk kwyt nadat ʼn foto van haar geneem is waar sy vir pres. Donald Trump se konvooi die middelvinger wys.

Juli Briskman (50) is deur ʼn fotograaf wat saam met Trump se konvooi gereis het afgeneem terwyl sy vir die konvooi middelvinger gewys het. Die voorval het plaasgevind toe Trump en sy konvooi op 28 Oktober van sy gholfbaan in Sterling teruggekeer het.

“Hy het verbygery en my bloed het net begin kook…. Net ʼn derde van Puerto Rico het krag. En ek dink toe … hy is al weer op die gholfbaan,” het Briskman aan Huffington Post gesê.

Die foto is die volgende dag op Twitter geplaas waar dit soos ʼn veldbrand versprei het. Briskman het die foto as haar profielfoto gebruik op Facebook en Twitter en haar werkgewer, Akima LLC, in kennis gestel van die herrie daaroor op sosiale media.

Die ma van twee is drie dae later afgedank. Volgens Akima LLC het Briskman hul beleid rakende sosiale media oortree en kon sy die maatskappy se reputasie skade aandoen. Akima het nie op navrae van Washington Post gereageer nie en Maandag hul webtuiste verwyder.

Briskman het intussen aan die publikasie gesê sy sal dit weer doen.

Die foto is deur Brendan Smialowski geneem vir AFP en Getty Images.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Willie

En Malema doen dit sommer in die Parlament met JM, en sit nog in die Parlament…

B-man

Sy kan bly wees dit was nie ou Supra van Noord-Wes nie.

not in wonderland

Kyk, sy het guts, maar weereens, mens kan dink wat jy wil maar nie wys of sê wat jy wil nie.

christa

kan grootmense so tekere gaan oor so nietigheid. Soos ek reeds gese het…. small things amuse a small mind. Hoeveel petrol word vermors om een persoon te vervoer, ‘n hele konvooi. .

A Mac

Sal dit nou nie ironies wees as Trump vir haar ‘n werk gee net omdat sy haar demokratiese reg van vryheid van spraak beoefen het en haar werk haar daaroor afgedank het?