ʼn Vrou en ʼn jong seun is vandeesweek in ʼn afgeleë gebied in Alaska dood nadat hulle deur ʼn ysbeer aangeval is. Die polisie het die voorval Dinsdag as ʼn “uiters seldsame aanval deur ʼn ysbeer op mense” beskryf.
Die ysbeer is tydens die aanval deur ʼn inwoner van Wallis, ʼn klein gemeenskap op Alaska se verre westelike kus, doodgeskiet.
“Voorlopige inligting dui daarop dat die ysbeer die gemeenskap binnegekom en verskeie inwoners gejaag het,” het die plaaslike polisie gesê.
“Die beer het ʼn volwasse vrou en jong seun aangeval en albei is dood.”
Die slagoffers se identiteit is nog nie bekendgemaak nie.
Ysbeeraanvalle is baie skaars en luidens plaaslike mediaberigte is die laaste noodlottige aanval op ʼn mens in 1990 aangeteken.
Volgens statistieke van die Kanadese organisasie Polar Bears International is slegs 20 ysbeeraanvalle op mense wêreldwyd tussen 1870 en 2014 aangeteken.
Dié bere is enorm en mannetjies kan tot 680 kg weeg. Ysbeerbevolkings daal egter toenemend omdat hul yshabitat in die Arktiese See deur klimaatsverandering en stygende temperature vernietig word.
Ysbere maak staat op ys om te oorleef, voort te plant en te beweeg.
Eish!
Hoekom, want ons mensdom betree die diere se natuurlike habitat!!
Alaska se inheemse boorlinge is al net so lank daar soos die ysbere.