Zim-president maak nuwe senior aanstellings

Emmerson Mnangagwa kort nadat hy tydens ʼn seremonie in Harare, Zimbabwe as die nuwe president van dié Afrika-land ingesweer is (24 November 2017) Foto: AP Photo/Ben Curtis

Zimbabwe se president Emmerson Mnangagwa het twee senior aanstellings gemaak in die regerende Zanu-PF-party.

Constantino Chiwenga en Kembo Mohadi is onderskeidelik as Zanu-PF se adjunkpresident en tweede sekretaris aangestel ʼn week ná die party sy buitengewone spesiale kongres in die hoofstad gehou het, waar Mnangagwa ingesweer is as die leier van die party nadat sy voorganger, Robert Mugabe, in November ontsetel is.

George Charamba, woordvoerder van die president, het Saterdag in ʼn verklaring gesê die aanstellings tree met onmiddellike effek in werking. Chiwenga en Mohadi sal outomaties die land se adjunkpresidensie betree.

Chiwenga het Maandag uitgetree as hoof van die weermag en Mohadi is ʼn veteraan politikus.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae