Het jy geweet jou emosionele welstand, fisieke gesondheid en finansies hou ʼn direkte verband met mekaar?
Ronel Jooste, ʼn geoktrooieerde rekenmeester en finansiële welstandafrigter, verduidelik in haar boek Financially Fit and Wealthy wat die verband is en hoekom jy reeds vandag aan jou finansiële onafhanklikheid en vryheid moet, en kan begin werk.
Jooste het ʼn droom om soveel as moontlik Suid-Afrikaanse gesinne met kennis oor finansiële sake te bemagtig sodat hulle finansiële welstand kan verkry. Sy het saam met Helpende Hand ʼn Geldfiksgids ontwerp wat finansiële onafhanklikheid in 12 maklike stappe uiteensit.
Jooste gaan ook oor die nege weke gesels oor verskillende aspekte van finansiële gesondheid wat doelwitte, skuld, spaarwenke en beleggings insluit. Dus, luister gerus na die onderhoud boaan hierdie berig om jou reis na finansiële welstand te begin.
Ek het oorlog teen skuld verklaar!