Soorte resepte:

Resep: Warm baba-aartappelslaai

Foto: (Pixabay)

Maklik, vinnig en perfek saam met braaivleis.

Genoeg vir 6-8 mense

Bestanddele

  • 1 kg baba-aartappels
  • 2 e (30) Clover Springbok-botter
  • sout en varsgemaalde swartpeper
  • ½ k (125 ml) goeie gehalte mayonnaise
  • 1 k (250) Clover-room, geklop
  • 5 sprietuie, dun gesny
  • 2 t (10) gesnipperde grasuie
  • ½ t (2 ml) rooipeper

OPSIONELE EKSTRAS

  • 4 agurkies, gesny
  • 6 repe spek, gebraai en gekrummel

Metode

  1. Kook die baba-aartappels in ʼn kastrol water tot net­net sag en dreineer.
  2. Sny die warm aartappels in die helfte en roer die botter deur sodat die aartappels met botter bedek is. Geur met sout en peper na smaak.
  3. Meng die mayonnaise en geklopte room saam. Voeg die warm aartappels by en meng.
  4. Laat die aartappelslaai tot kamertemperatuur afkoel en strooi die sprietuie, grasuie en rooipeper bo-oor. Rond die slaai af met agurkies en spek (opsioneel).

    Bron: Gunsteling BraairesepteUitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.