Soorte resepte:

Resep-video: Krimpvarkies

Krimpvarkies (Foto: Maroela Media/Janie Monsieur)

Dié lekkerny is so net-net nie ʼn ystervarkie nie. Dié krimpvarkies is heelwat makliker, maar net so lekker soos hul ystervarkie-ouboet.

Bestanddele

  • 1 x koekmengsel (en bykomende bestanddele)
  • 125 g sjokolade
  • 1 t vanieljegeursel
  • 2 e (10 ml) melk
  • 10 e klapper

Krimpvarkies (Foto: Maroela Media/Janie Monsieur)

Metode

  1. Maak die koekbeslag aan volgens die aanwysings op die pakkie. (Óf volg jou eie vanieljekoekresep.) Skep dit in ʼn bruintjie- of muffinpan en bak volgens aanwysings.
  2. Smelt al die sjokolade in ʼn bakkie tot loperig. Voeg vanieljegeursel en melk by en meng goed.
  3. Gooi die klapper in ʼn bord uit.
  4. Wanneer die koekies klaar gebak is, laat dit afkoel en haal uit die pan.
  5. Doop die bokant van elke koekie eers in die sjokolade en rol dit dan in klapper. Maak seker jy bedek die hele bokant van die koekie.
  6. Bêre in die yskas sodat die sjokolade nie smelt nie.

Resep: Janie Monsieur

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Lekkers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

E.K. die eerste ·

Dit lyk op die foto of een van hierdie mini broodpannetjies gebruik is en ek moet se dit lyk nou nogals na ‘n krimpvarkie! Heel oulik!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.