Soorte resepte:

Resep: Koffie-en-sjokolade-yskastert

Koffie-en-sjokolade-yskastert (Foto: Lapa-uitgewers)

Koffie en sjokolade is van ons gunstelingbestanddele, en dié tert laat die twee saamsmelt.
Lewer 1 groot tert

Bestanddele

KORS

  • 75 ml botter
  • 400 g (2 pakke) Romany Creams, fyngemaak

VULSEL

  • 250 ml room
  • 500 g (2 bakkies) geroomde maaskaas
  • 397 g (1 blik) kondensmelk
  • 10 ml gelatienpoeier
  • 45 ml water
  • 5 ml koffiepoeier
  • 15 ml kookwater
  • 15 ml likeur
  • 200 g melkbaksjokolade
  • 1 Flake, gekrummel, vir afronding
  • vars bessies, vir afronding
  • kruisementblaartjies, vir afronding

Metode

KORS

  1. Smelt die botter en voeg by die fyngemaakte koekies. Druk die koekiekrummels in ’n ronde 26 cm-tertbord vas.

VULSEL

  1. Klits die room styf en vou by die maaskaas in. Roer die kondensmelk by.
  2. Spons die gelatien oor water. Smelt oor ’n bakkie met kookwater tot die gelatien goed opgelos is.
  3. Los die koffie in 15 ml kookwater op en roer die likeur by. Roer by die gelatienmengsel en voeg dan by die maaskaasmengsel. Meng goed.
  4. Smelt die sjokolade teen 70% krag in die mikrogolfoond of in ’n dubbelkoker tot glad. Laat bietjie afkoel indien dit te warm is. Roer vinnig in by die maaskaasmengsel.
  5. Skep die vulsel in die koekiekors en plaas dit in die yskas tot gestol.
  6. Versier met Flake, vars bessies en kruisementblaartjies.

Wenk:

Dit smaak ook baie lekker as jy gekapte neute of glanskersies by die vulsel voeg.

Bron: Vinnig & maklik: Yskasterte

Uitgewer: Lapa-uitgewers

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

Een kommentaar

DJ Krummelpap ·

Hoe werk: “spons die gelatin oor water”?
Ek’t g’n clue wat dit beteken nie…

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.